স্মৃতি প্ৰিয়া লাহন,টীয়কঃ টীয়কৰ এজন উদ্যমী যুৱ ব্যৱসায়ীয়ে ৰাইজৰ সুবিধাৰ্থে দান কৰিলে এম্বুলেঞ্চ। সঞ্জয় সভাপণ্ডিত নামৰ যুৱকজনে তেওঁৰ পিতৃৰ পবিত্ৰ স্মৃতি জীয়াই ৰখাৰ স্বাৰ্থত এখন মাৰুতি ভান এম্বুলেঞ্চ ৰাইজৰ সুবিধাৰ্থে দান কৰিছে।

নুন্যতম ইন্ধনৰ খৰচ বহন কৰি ২৪ ঘন্টাই অক্সিজেন চিলিণ্ডাৰসহ এই এম্বুলেঞ্চখন ৰাইজৰ সুবিধাৰ্থে আগবঢ়োৱা হৈছে বুলি মন্তব্য কৰিছে যুৱ ব্যৱসায়ীজনে।লগতে তেওঁৰ পিতৃ প্ৰায়ত কুল নাথ সভাপণ্ডিতৰ নামত কে এন সভাপণ্ডিত ফাউণ্ডেশ্যন নামৰ এটা ট্ৰাষ্টৰ যোগেদি অনাগত সময়তো ৰাইজৰ কেতবোৰ সমস্যা দূৰ কৰিবলৈ চেষ্টা কৰিব বুলি আশা প্ৰকাশ কৰিছে।

লগতে পঢ়কঃচৰাইদেউ জিলাৰ বিভাগীয় পৰ্যালোচনা সভাত মন্ত্ৰী বিমল বৰা

উল্লেখযোগ্য যে প্ৰয়াত কুল নাথ সভাপণ্ডিতে টীয়ক নগৰৰ মাজমজিয়াত পাৰিজাত নামে এক হোটেল ব্যৱসায় কৰিছিল আৰু এই ব্যৱসায়ৰ যোগেদি বহুতো নিবনুৱা যুৱকক সংস্থাপনৰ দিহা কৰিছিল আৰু পৰবৰ্তী সময়ত ব্যৱসায়ৰ সমান্তৰালকৈ টীয়কৰ বিভিন্ন অনুষ্ঠান প্ৰতিষ্ঠানত জড়িত হৈ সামাজিক দ্বায়বদ্ধতাৰ পৰিচয় দিয়াৰ লগতে এগৰাকী আদৰ্শ ব্যৱসায়ী হিচাপে প্ৰতিষ্ঠা লাভ কৰিছিল যি আধুনিক টীয়ক গঢ়াত যথেষ্ট অৰিহণা আগবঢ়াইছিল।

বিশিষ্ট ব্যৱসায়ীগৰাকীৰ জেষ্ঠ পুত্ৰ তথা পৰিয়ালে ৰাইজৰ সেৱা অৰ্থে লোৱা এই পদক্ষেপক সকলোৱে আদৰণী জনাইছে লগতে ২৪ ঘন্টাই ৰাইজৰ সহায়ৰ বাবে 8761856868/9954489171 নম্বৰত যোগাযোগ কৰিবলৈ অনুৰোধ জনাইছে।

Subscribe to EastMojo Assam

Enter your email address to receive notifications of new stories by email.

Join 5,500 other subscribers

Leave a comment

Leave a Reply