টীয়ক,স্মৃতিপ্ৰিয়া লাহনঃ টীয়কৰ নৈপৰীয়া জাঁজীমুখৰ ওপৰ শগুনপাৰা অঞ্চলত সন্ত্ৰাসৰ সৃষ্টি কৰিছে এটি বন্যহস্তীৰ জাকে ৷ বৃহৎ হাতীৰ জাকটোৱে বিগত কিছু দিন ধৰি জাঁজীমুখৰ ওপৰ শগুনপাৰা অঞ্চলত সন্ধ্যা হোৱাৰ লগে লগেই জনাঞ্চলৈ নামি আহি বড়ো ধানৰ শ শ হেক্টৰ খেতিৰ লগতে ৰবিশস্যৰ পথাৰ তহিলং কৰিছে ৷ যাৰ ফলত পৈণত নোহোৱাকৈ ধান কাটি আনিবলৈ বাধ্য হৈছে কৃষক সকল ৷

দৰিদ্ৰ কৃষক সকলে বাৰিষাৰ বানৰ পাছত বহু কষ্টৰে কৰা খেতিডৰা ধ্বংস কৰাত মানসিক ভাৱে ভাগি পৰিছে ৷ বিশেষকৈ বন্যহস্তীয়ে তাণ্ডৱ চলোৱা এই গাওঁসমূত বনকৰ্মীৰ ভুমিকাক লৈ এতিয়া ক্ষুন্ন হৈছে গাঁওবাসী ৷ কিয়নো হাতী-মানুহৰ সংঘাতৰ এই ভয়াবহ সময়ত গাঁওবাসীৰ কাষত নাথাকে ৰাজ্যৰ বন বিভাগ ৷ গাওঁবাসীৰ অভিযোগ, ‘ফোন কৰিলে কেতিয়াবা ফোন বন্ধ পোৱা যায় বনকৰ্মীৰ কেতিয়াবা আকৌ পলমকৈহে আহি গাঁওৱাসীৰ হাতত দুটামান ব’ম ফটকা দি থৈ কৰ্তব্য সামৰে। ‘ সেয়ে এই ক্ষেত্ৰত চৰকাৰক এক উচিত ব্যৱস্থা গ্ৰহণ কৰিবলৈ আহ্বান জনাইছে ভুক্তভোগী ৰাইজে।

Subscribe to EastMojo Assam

Enter your email address to receive notifications of new stories by email.

Join 6,597 other subscribers

Leave a comment

Leave a Reply Cancel reply