সংবাদ মাধ্যম সমূহত প্ৰচাৰ হৈ থকা এক বাতৰিয়ে নগদবিহীন আৰু ডিজেটেল লেনদেন কৰা সকলৰ বাবে এক দুঃসংবাদ কঢ়িয়াই আনিছিল। কিন্তু ভাৰতীয় ৰাষ্ট্ৰীয় পৰিশোধ নিগমে টুইটাৰযোগে এক জাননী জাৰি কৰি এই কথা সদৰী কৰে যে UPI লেনদেন নতুবা যিকোনো ডিজিটেল লেনদেন কৰা সকলে ভৰিব নালাগে কোনো ধৰণৰ মাচুল।
বৰ্তমান সময়ত UPIয়ে এক বিনামূলীয়া, দ্ৰুত, সুৰক্ষিত অভিজ্ঞতা প্ৰদান কৰি ডিজিটেল পৰিশোধৰ পছন্দৰ মাধ্যম হিচাপে আত্মপ্ৰকাশ কৰিছে। পৰম্পৰাগতভাৱে, UPIয়ে হৈছে লেনদেনৰ আটাইতকৈ পছন্দৰ পদ্ধতি। যিকোনো UPI সক্ষম এপত বেঙ্ক একাউণ্ট সংযোগ কৰি মুঠ UPI লেনদেনৰ ৯৯.৯% তকৈ অধিক অৰিহণা যোগায় আহিছে। প্ৰতি মাহে, গ্ৰাহক আৰু ব্যৱসায়ীয়ে ৮ বিলিয়নতকৈও অধিক লেনদেন বিনামূলীয়া প্ৰক্ৰিয়াৰে কৰে।
প্ৰিপেইড পেমেণ্ট ইনষ্ট্ৰুমেণ্ট (PPI)ক আন্তঃকাৰ্যকৰী UPI পৰিস্থিতিতন্ত্ৰৰ অংশ হ’বলৈ অনুমতি দিয়া হৈছে। ভাৰতীয় ৰাষ্ট্ৰীয় পৰিশোধ নিগমৰ পৰিপ্ৰেক্ষিতত এতিয়া পিপিআই(PPI) ৱালেটবোৰক আন্তঃকাৰ্যক্ষম UPI পৰিস্থিতিতন্ত্ৰৰ অংশ হ’বলৈ অনুমতি দিছে। প্ৰৱৰ্তন কৰা বিনিময় মাচুল কেৱল পিপিআই ব্যৱসায়িক লেনদেনৰ বাবে প্ৰযোজ্য আৰু গ্ৰাহকসকলৰ বাবে কোনো ধৰণৰ মাচুল নাই, বুলি স্পষ্ট কৰা হৈছে।
ভাৰতীয় ৰাষ্ট্ৰীয় পৰিশোধ নিগম ২০০৮ত ভাৰতত খুচুৰা পৰিশোধ আৰু নিষ্পত্তি প্ৰণালী পৰিচালনাৰ বাবে এক মাতৃ সংগঠন হিচাপে অন্তৰ্ভুক্ত কৰা হৈছিল। এনপিচিআইয়েদেশখনত এক শক্তিশালী পৰিশোধ আৰু নিষ্পত্তি আন্তঃগাঁথনি সৃষ্টি কৰিছে। ই ভাৰতত খুচুৰা পৰিশোধ সামগ্ৰী যেনে ৰূপে কাৰ্ড, তাৎক্ষণিক পৰিশোধ সেৱা (আইএমপিএছ), ইউনিফাইড পেমেণ্ট ইণ্টাৰফেচ (ইউপিআই), ভাৰত ইণ্টাৰফেচ ফৰ মানি (ভীম), ভীম আধাৰ, ৰাষ্ট্ৰীয় ইলেক্ট্ৰনিক টোল সংগ্ৰহ (নেটক ফেষ্টাগ) আৰু ভাৰতৰ জৰিয়তে পৰিশোধ কৰাৰ পদ্ধতি সলনি কৰিছে।
বিল পৰিশোধৰ ক্ষেত্ৰত এনপিচিআইয়ে প্ৰযুক্তিৰ ব্যৱহাৰৰ জৰিয়তে খুচুৰা পৰিশোধ প্ৰণালীত উদ্ভাৱন অনাৰ ওপৰত গুৰুত্ব আৰোপ কৰিছে আৰু ভাৰতক ডিজিটেল অৰ্থনীতিলৈ ৰূপান্তৰিত কৰিবলৈ নিৰন্তৰ ভাৱে কাম কৰি আছে। ই ভাৰতক সম্পূৰ্ণ ডিজিটেল সমাজ হোৱাৰ আকাংক্ষাক আগবঢ়াই নূন্যতম ব্যয়ত দেশজুৰি উপলব্ধতাৰ সৈতে সুৰক্ষিত পৰিশোধ সমাধানৰ সুবিধা প্ৰদান কৰিছে।