মাৰ্ঘেৰিটা: তিনিচুকীয়া জিলা শ্ৰম বিভাগ, মাৰ্ঘেৰিটা মহকুমা প্ৰশাসন তথা মাৰ্ঘেৰিটা আৰক্ষীয়ে শিশু শ্ৰমিকৰ বিৰুদ্ধে চলাইছে এক অভিযান। বছৰ বছৰ ধৰি মাৰ্ঘেৰিটা নগৰ সমিতিক কৰ পৰিশোধ নকৰাৰ লগতে দীৰ্ঘদিন ধৰি ঠিকাভিত্তিক শ্ৰমিক-কৰ্মচাৰীক ভাউচাৰ পেমেণ্টৰ দ্বাৰা শোষণ অব্যাহত ৰাখি বিতৰ্কৰ মাজত সোমাই পৰা মাৰ্ঘেৰিটা নগৰৰ মাজমজিয়াত অৱস্থিত চেগুনবাৰী চাহ ফেক্টৰিত চলায় এই অভিযান।

চেগুনবাৰী চাহ ফেক্টৰিত বিশেষকৈ নিশা শিশু শ্ৰমিকক ব্যৱহাৰৰ কৰি অহাৰ এক অভিযোগ লাভ কৰাত শ্ৰম বিভাগে এই অভিযান চলাই যদিও অভিযান কালত শিশু শ্ৰমিক পোৱা নগ’ল। আনহাতে, চাহ ফেক্টৰীটোৱে সুদীৰ্ঘ বছৰে শ্ৰমিক কৰ্মচাৰীক ভাউচাৰ পেমেণ্টত দৰমহা দি শ্ৰম আইন উলংঘা কৰি অহাৰ লগতে আন বহু কেইটা অভিযোগ আছে চাহ ফেক্টৰীটোৰ বিৰুদ্ধে।

তিনিচুকীয়া জিলা শ্ৰম বিভাগে উক্ত চাহ ফেক্টৰীৰ প্ৰায় ভাগ অভিযোগ সন্দৰ্ভত জ্ঞাত যদিও ৰহস্যজনক কাৰণত সকলো অনিয়ম দেখাৰ পিছতো চকু মুদা কুলিৰ ভাও ধৰিছে। একাংশ শ্ৰমিক তথা বছৰ বছৰ ধৰি এখন মাত্ৰ ভাউচাৰত দৰমহা আদায় লোৱা কৰ্মচাৰী সকল ক্ষোভিত হৈ পৰা পৰিলক্ষিত হৈছে।

শ্ৰমিক সংগঠনৰ তৰফৰ পৰাও বিভিন্ন অনিয়ম সন্দৰ্ভত জিলা শ্ৰম বিভাগক বাৰম্বাৰ অভিযোগ প্ৰদান কৰাৰ পাছতো শ্ৰম বিষয়াই বিষয়টোত গা এৰা মনোভাৱ দিয়াৰ অভিযোগ উত্থাপিত হৈ আহিছে। সামান্য কেইজন মান স্থায়ী কৰ্মচাৰীৰ বাদে আন নব্বৈ শতাংশ শ্ৰমিক কৰ্মচাৰীৰ উক্ত চাহ বাগিছা খনত কোনো ভৱিষ্যতনিধিৰ ব্যৱস্থা নাই যদিও জিলা শ্ৰম বিভাগ কিন্তু গোপন বুজাবুজিৰ বাবেই উক্ত বিষয়ত সম্পূৰ্ণ মৌন।

আজি অভিযানকাৰী দলটোৱে চেগুনবাৰী চাহ ফেক্টৰিক প্ৰয়োজনীয় নথি পত্ৰ সমূহ শীঘ্ৰে ঠিক কৰি ল’বৰ বাবে নিৰ্দেশ দিয়ে যদিও সেই নিৰ্দেশক মইমতালিৰে পৰিচালিত হোৱা চেগুণবাৰী ফেক্টৰী কতৃপক্ষই অংগুষ্ঠ প্ৰদৰ্শন কৰিব বুলিহে একাংশ শ্ৰমিকে মত প্ৰকাশ কৰিছে।

Subscribe to EastMojo Assam

Enter your email address to receive notifications of new stories by email.

Join 6,479 other subscribers

Leave a comment

Leave a Reply Cancel reply