নিউজ ডেস্ক: টাটা টী-ৰ বিৰুদ্ধে এইবাৰ আলফাৰ ভাবুকি৷ প্ৰশাসনিক কাৰ্যালয় অসমলৈ স্থানান্তৰ আৰু থলুৱাক নিযুক্তি নিদিলে টাটা টীৰ ব্যৱসায় বন্ধ কৰাৰ হুংকাৰ৷
সংগঠনটোৰ প্ৰচাৰ বিভাগৰ সদস্য ৰুমেল অসমে সংবাদমাধ্যমলৈ পঠিওৱা প্ৰেছ বিবৃতিত এইকথা প্ৰকাশ কৰিছে ।
বিবৃবিটোত আলফা স্বাধীনে মুকলি ভাবে টাটা টীক ভাবুকি দি লিখিছে শীঘ্ৰে প্ৰশাসনিক কাৰ্যালয় অসমলৈ স্থানান্তৰৰ দাবী কৰিছে সংগঠনটোৱে ।
কোম্পানীটোত কেৱল থলুৱা যুৱক-যুৱতীক নিযুক্তিৰো দাবী কৰিছে ।
অন্যথা কোম্পানীটোৰ ব্যৱসায় বন্ধ কৰাৰ ভাবুকি ।
কোম্পানীটোৰ কৰ্মচাৰীক অসমত ভ্ৰমণ কৰিবলৈ নিদিয়াৰো ভাবুকি দিয়া হৈছে ।
প্ৰয়োজন হ’লে টাটা টীৰ সকলো বাগিচা বন্ধ কৰাৰ হুমকি আলফা স্বাধীনৰ ।