শৰীৰৰ অত্যধিক ওজন বৃদ্ধিয়ে বিভিন্ন ধৰণৰ সমস্যাৰ সৃষ্টি কৰে। পৰিৱৰ্তিত জীৱনশৈলীৰ ফলত Obesity বা মেদবহুলতা বৰ্তমান সকলো বয়সৰ লোকৰ বাবে এক চিন্তাৰ কাৰণ হৈ পৰিছে।
মেদবহুলতাৰ এক অন্যতম প্ৰধান কাৰণ হৈছে আমাৰ খাদ্যাভ্যাসৰ পৰিৱৰ্তন। অধিক পৰিমাণৰ সংশোধিত খাদ্যবস্তু যেনে জাংৰ ফুদ আদি গ্ৰহণৰ ফলত মেদবহুলতাত আক্ৰান্ত হোৱাৰ সম্ভাৱনা যথেষ্ট বৃদ্ধি পায়। সেয়ে এনে খাদ্য খোৱাৰ পৰা আমি পৰাপক্ষত বিৰত থাকিব লাগে।
শৰীৰৰ ওজন হ্ৰাস কৰাত আমাক কেইবিধমান খাদ্যই সহায় কৰে। আহক আমি ইয়াৰ বিষয়ে কিছু কথা জানো –
১. কমলা, নেমু, মৌচম্বী আদি টেঙা ফল চৰ্বি কমোৱাত আন খাদ্যতকৈ অধিকৰুপে কাম কৰে। দিনৰ যিকোনো সময়ত টেঙা ফল খাব পাৰি যদিও ৰাতিপুৱাৰ সময়ছোৱাত ৰস হিচাপে খালে ই আটাইতকৈ লাভদায়ক হয়।
২. নিমৰ বহুতো গুণ আছে। আপুনি যদি শৰীৰৰ ওজন হ্ৰাস কৰিবলৈ বিচাৰিছে তেন্তে নিমৰ ৰস খাব পাৰে। নিমৰ ৰসৰ মৌ মিহলি কৰি খোৱা কৰিলে এই ক্ষেত্ৰত সুফল পাব পাৰি।
৩. গ্ৰীন টী আমাৰ শৰীৰৰ বাবে এবিধ লাগতিয়াল পানীয়৷ গ্ৰীন টীত ই জি চি জি নামৰ এক উপাদান থাকে৷ এই উপাদানবিধে শৰীৰৰ মেটাবলিজম বঢ়োৱাৰ লগতে কেলৰি বাৰ্ন কৰে৷
৪. পাচলিৰ ভিতৰত বন্ধাকবিত যথেষ্ট পৰিমাণে খাদ্যপ্ৰাণ আৰু আঁহ পোৱা যায়। এইবিধ যিহেতু কলেষ্টৰেলমুক্ত পাচলি, গতিকে ই আমাৰ চৰ্বি কমোৱাত সহায় কৰে।
৫. ওটমিল আৰু আখৰোটৰ সংমিশ্ৰণে ওজন হ্ৰাস কৰাত সহায় কৰে। ওটমিলত যথেষ্ট পৰিমাণে আঁহজাতীয় পদাৰ্থ থাকে, ই চৰ্বি হ্ৰাস কৰাত সহায় কৰে।
লগতে পঢ়ক : বিফলতাই যাক হৰাব নোৱাৰে; অসমৰ এই গৰাকী যুৱ উদ্যোগী এতিয়া দুটা ব্যতিক্ৰমী ষ্টাৰ্ট-আপৰ গৰাকী