মুকাভিনয় দিৱসৰ উপলক্ষে মহানগৰীৰ বিষ্ণু নিৰ্মলা ভৱনত উন্মোচন কৰা হয় Mime Journal নিৰ্বাক ৰ দ্বিতীয় সংখ্যা । নিৰ্বাক হল ভাৰতবৰ্ষৰ পৰা প্ৰকাশিত প্ৰথমখন আন্তঃৰাষ্ট্ৰীয় মাইম জাৰ্নেল।
মুকাভিনয় শিল্পী মিনাংক ডেকাৰ সম্পাদনাত আৰু প্রতীতি কাত্যায়নৰ সহ: সম্পাদনাত প্ৰকাশ পোৱা জাৰ্নেলখন প্ৰতি বছৰে বিশ্ব মুকাভিনয় দিৱসত প্ৰকাশ কৰা হয়। এই জাৰ্নেল খনত জাৰ্মানী, ফ্ৰান্স, USA, কানাডা ইত্যাদি বিভিন্ন দেশৰ মূকাভিনয় শিল্পী সকলৰ লিখনি প্ৰকাশ পাইছে।
নিৰ্বাক ৰ উন্মোচনী অনুষ্ঠানত উপস্থিত থাকে বিশিষ্ট নাট্যকাৰ দুলাল ৰয়, মানবেন্দ্ৰ ৰংহাং চৌধুৰী, ৰবিজিতা গগৈ, অধিবক্তা দীপক শৰ্মা আৰু অভিনেতা অৰ্ঘ্যদীপ বৰুৱা। অনুষ্ঠানৰ আঁত ধৰে অভিনেতা জগদীশ ডেকাই।