প্ৰতিবাদী কৃষক আৰু চৰকাৰৰ মাজৰ আজিৰ আলোচনাটো উত্তৰ নোলাল

নিউজ ডেক্স:- দিল্লীত হাড়কঁপোৱা জাৰৰ মাজতো প্ৰতিবাদ অব্যাহত ৰখা কৃষক সকলৰ প্ৰতিনিধিয়ে আজি কেন্দ্ৰীয় চৰকাৰৰ সৈতে সপ্তম লানী আলোচনাতো কোনো সমাধান সুত্ৰ নোলাল | তিনি খন আইনক লৈ কেন্দ্ৰীয় চৰকাৰৰ সৈতে আলোচনাত বহা কৃষকে নূন্যতম সমৰ্থন মূল্যৰ সন্দৰ্ভত আইনগত সিদ্ধান্তৰ দাবী জনাই আহিছে | আলোচনাৰ অন্তত ভাৰতীয় কৃষাণ সংঘৰ ৰাকেশ টিকায়েটে কয়, আইন উঠাই নোলোৱালৈকে ঘৰলৈ উভতি যোৱা ন’হব | পুনৰ আলোচনাৰ বাবে ৮ জানুৱাৰীৰ দিন ধাৰ্য কৰিছে |

শেহতীয়াকৈ ৰাজধানী চহৰখনৰ বিভিন্ন স্থানত বৃষ্টিপাতে স্বাভাৱিক জীৱনযাত্রা স্তব্ধ কৰা সময়ত প্ৰতিবাদী কৃষক সকলৰ অবস্থাও দূৰ্বিসহ কৰি তুলিছে | ৰাজধানী চহৰখনৰ সীমান্তত তিনিখন কৃষি আইন প্রত্যাহাৰৰ দাবীত ৪০ দিন ধৰি প্রতিবাদ সাব্যস্ত ৰখা কৃষকসকল এই প্রতিকূল পৰিস্থিতিৰ মাজতো নিজৰ স্থিতিত অটল হৈ আছে৷ প্রতিবাদী কৃষকসকলে গভীৰ সংকটত পথৰ দাঁতিত তম্বু টানি প্রতিবাদ কৰি থকা অৱস্থাত বৃষ্টিপাতৰ সন্মুখীন হৈছে যদিও আন্দোলন চলাই যোৱাৰ সংকল্প গ্রহণ কৰিছে৷

উল্লেখনীয় যে দিল্লী তথা ৰাষ্ট্রীয় ৰাজধানী অঞ্চলত কেইবাঘণ্টা ধৰি বৃষ্টিপাত অব্যাহত থাকে৷ গাজিপুৰ সীমান্তত প্রতিবাদ সাব্যস্ত কৰি থকা কৃষকসকলৰ মাজত বৃষ্টিপাতে ভীষণ সমস্যাৰ সৃষ্টি কৰে৷ মহিলা, শিশু আৰু বয়োজ্যেষ্ঠ কৃষকসকল এই বৃষ্টিপাতৰ সময়ত অধিক সমস্যাৰ সন্মুখীন হ’বলগীয়া হৈছে৷

কৃষি আইন বিৰোধী আন্দোলনক লৈ দেওবাৰে কংগ্ৰেছ সভানেত্ৰী ছোনিয়া গান্ধীয়ে প্ৰথমবাৰৰ বাবে মুখ খুলিছে | কংগ্ৰেছ সভানেত্ৰী গৰাকীয়ে কয় ”স্বাধীনতাৰ পিছত দেশত প্ৰথমবাৰৰ বাবে অহংকাৰী চৰকাৰ ক্ষমতালৈ আহিছে ।যিয়ে অন্নদাঁতাৰ দুখ দেখা নাপায়। লগতে তেওঁ নতুন কৃষি আইন বিনাচৰ্তে উঠাই লোৱাৰ দাবী কৰে”।

Subscribe to EastMojo Assam

Enter your email address to receive notifications of new stories by email.

Join 5,279 other subscribers

Leave a comment

Leave a Reply