গুৱাহাটী – আজি গুৱাহাটীৰ নাৰেংগীৰ সমীপৰ কলংপাৰ বজাৰত গো-মাংসক কেন্দ্ৰ কৰি এক উত্তপ্ত পৰিস্থিতিৰ সৃষ্টি হয়৷ অভিযোগ অনুসৰি, বজাৰখনত দীৰ্ঘদিনৰ পৰাই গোপনে এজন মাংস ব্যৱসায়ীয়ে গো-মাংস বিক্ৰী কৰি আহিছিল৷ বজাৰখনত থকা এখন মুৰ্গী মাংসৰ দোকানত গোপনে বিক্ৰী কৰা হৈছিল গো-মাংস৷ এই গো-মাংস বিক্ৰী কৰাৰ কথা পোহৰলৈ অহাত বজাৰলৈ অহা ব্যক্তিসকলৰ মাজত তীব্ৰ উত্তেজনা সৃষ্টি হয়৷ উত্তেজিত ৰাইজে বিপণীখনৰ পৰা গো-মাংস উদ্ধাৰ কৰে৷

ইফালে এই কথা পোহৰলৈ অহাৰ লগে লগে বজাৰত থকা ব্যক্তিসকলে মাংসৰ বিপণীখন ভাঙি লণ্ড-ভণ্ড কৰে৷ অৱশ্যে ঘটনাস্থলীত উপস্থিত হৈ নুনমাটি আৰক্ষীয়ে পৰিস্থিতি নিয়ন্ত্ৰণ কৰে। লগতে বিক্ৰীৰ বাবে মজুত কৰি ৰখা গো-মাংসখিনি জব্দ কৰে আৰক্ষীয়ে। গো-মাংস বিক্ৰেতাজনকো আৰক্ষী নিজৰ জিম্মাত লয় বুলি জানিব পৰা গৈছে।

Subscribe to EastMojo Assam

Enter your email address to receive notifications of new stories by email.

Join 4,868 other subscribers

Leave a comment

Leave a Reply