নিউজ ডেস্ক: IAS বিদ্যুৎ বিহাৰী শ্বাইনৰ UPSCৰ সদস্য হিচাপে শপত গ্ৰহণ। শপতনামা প্ৰদান কৰে UPSCৰ অধ্যক্ষ ড০ মনোজ ছোনীয়ে।
বিদ্যুৎ বি শ্বাৱাইনে ১৯৮৮ চনত গুজৰাট কেডাৰত ভাৰতীয় প্ৰশাসনিক সেৱাত যোগদান কৰে। ১৯৮৯ চনৰ পৰা ২০১৮ চনৰ ভিতৰত শ্বাৱাইনে গুজৰাট চৰকাৰৰ বিভিন্ন পদত, জিলা আৰু ৰাজ্যিক পৰ্যায়ত সেৱা আগবঢ়াইছিল। গুজৰাট আন্তঃগাঁথনি উন্নয়ন ব’ৰ্ডৰ চিইঅ’, প্ৰাথমিক শিক্ষাৰ সচিব, গুজৰাট ঔদ্যোগিক উন্নয়ন নিগমৰ ভিচি এণ্ড এমডি, উদ্যোগ আয়ুক্ত আৰু গুজৰাট ৰাজ্যৰ মুখ্য নিৰ্বাচনী বিষয়া তেওঁৰ গুৰুত্বপূৰ্ণ পদসমূহৰ ভিতৰত অন্যতম।
২০২০ চনত বাণিজ্য নীতি বিভাগ, চিআইএছ আৰু অ’চেনিয়া বিভাগৰ সৈতে বাণিজ্য বিভাগৰ সচিব হিচাপে তেওঁ লেনদেন কৰিছিল। ২০২১ চনৰ জানুৱাৰী মাহত তেওঁ ক্ষুদ্ৰ আৰু মজলীয়া উদ্যোগ মন্ত্ৰালয়ত সচিব হিচাপে নিযুক্তি লাভ কৰে আৰু ২০২৩ চনৰ মে’ মাহলৈকে কাৰ্যনিৰ্বাহ কৰে।
নতুন দিল্লীৰ জৱাহৰলাল নেহৰু বিশ্ববিদ্যালয়ৰ পৰা ৰাজনীতি বিজ্ঞানত আৰু নেদাৰলেণ্ডৰ হেগৰ দ্য ইনষ্টিটিউট অৱ ছ’চিয়েল ষ্টাডিজৰ পৰা পাব্লিক পলিচি এণ্ড মেনেজমেণ্টত স্নাতকোত্তৰ ডিগ্ৰী লাভ কৰিছে।