গুৱাহাটী : ভাৰতৰ সৰ্ববৃহৎ অনলাইন চুপাৰমাৰ্কেট বিগবাস্কেটৰ গুৱাহাটীত দৈনিক অৰ্ডাৰৰ সংখ্যা বৃদ্ধি পাইছে। চহৰখনত কোম্পানীৰ বৰ্তমানৰ অৰ্ডাৰ ১.৭ কোটি টকা ৰাজহৰ সৈতে প্ৰতি মাহে প্ৰায় ১৭ হাজাৰ। বিগবাস্কেটৰ লক্ষ্য হৈছে পৰৱৰ্তী ৬ মাহৰ ভিতৰত ইয়াক প্ৰতি মাহে ৪ কোটি টকালৈ বৃদ্ধি কৰা। গুৱাহাটী হৈছে অসমৰ এক গুৰুত্বপূৰ্ণ বাণিজ্যিক আৰু নিৰ্মাণ কেন্দ্ৰ। যিহেতু গুৱাহাটী ৰাজ্যখনৰ আটাইতকৈ জনবসতিপূৰ্ণ চহৰবোৰৰ ভিতৰত এখন, ই বিগবাস্কেটৰ কাৰ্যকলাপ সমূহৰ বাবে অতি গুৰুত্বপূৰ্ণ। যেতিয়া বিগবাস্কেটে ২০২১ চনৰ ডিচেম্বৰত চহৰখনত ইয়াৰ সেৱা আৰম্ভ কৰিছিল, ই ৬০০০ এছ কে ইউ’ৰে আৰম্ভ হৈছিল আৰু এই সংখ্যাই এতিয়া ২৫,০০০ সীমা অতিক্ৰম কৰিছে।

বিগবাস্কেট নিঃসন্দেহে গুৱাহাটীৰ একমাত্ৰ ৰিটেইলাৰ য’ত ইমান ডাঙৰ বিভিন্ন পণ্যৰ ভাণ্ডাৰ আছে। এই সন্দৰ্ভত বিগবাস্কেটৰ সহ-প্ৰতিষ্ঠাপক আৰু মুখ্য কাৰ্য্যবাহী বিষয়া হৰি মেননে কয়, “গুৱাহাটী আমাৰ বাবে এক কৌশলগত স্থান। আমি মানুহৰ পৰা এক বিশাল সঁহাৰি লাভ কৰিছো আৰু তেওঁলোকৰ সকলো গ্ৰোচাৰী বা গেলামাল সামগ্ৰীৰ প্ৰয়োজনীয়তাৰ বাবে চহৰখনৰ গ্ৰাহকসকলৰ বাবে ই ওৱান-ষ্টপ-শ্বপ অৰ্থাৎ বিভিন্ন সামগ্ৰীৰ বিপণী হ’ব বুলি আশা কৰিছো। আমি শীঘ্ৰেই এই চহৰখনত আমাৰ ৩০ মিনিটৰ ডেলিভাৰী সেৱা বিবি নাউ আৰম্ভ কৰিম। আমি ধাৰাবাহিকভাৱে গুৱাহাটীৰ দৰে ২ আৰু ৩ স্তৰৰ চহৰবোৰলৈ সম্প্ৰসাৰিত হৈ আছোঁ য’ত আমাৰ অৰ্ডাৰৰ আকাৰ মাত্ৰ তিনি মাহতেই ১০ গুণ বৃদ্ধি পাইছে। আমাৰ প্ৰাথমিক লক্ষ্য হৈছে সদায় গ্ৰাহক আৰু তেওঁলোকৰ সুবিধাক প্ৰথম স্থান দিয়া, যিয়ে দেশৰ প্ৰায় প্ৰতিটো অংশতে আমাৰ উপস্থিতি ব্যাখ্যা কৰে।”

লগতে পঢ়ক – ধর্ষণৰ অভিযুক্ত আফুৰুদ্দিন ইছলাম আৰক্ষীৰ গুলীত আহত

বিগবাস্কেটৰ সম্প্ৰসাৰণ প্ৰচেষ্টাৰ প্ৰশংসা কৰি আৰু তেওঁলোকৰ সংগঠনক অধিক গতি প্ৰদান কৰিবলৈ চাহ ক্ৰয় টাটা কনজিউমাৰ প্ৰডাক্টছ লিমিটেডৰ সঞ্চালক জোন গোহাঁই অনুষ্ঠানটোত উপস্থিত আছিল। সমবেত লোকসকলক সম্বোধন কৰি গোহাঁইয়ে কয়, “টাটা গ্ৰুপ আৰু টাটা উপভোক্তা সামগ্ৰী (কনজিউমাৰ প্ৰডাক্ট)ৰ বহু বছৰ ধৰি অসম ৰাজ্যৰ সৈতে এক শক্তিশালী সম্পৰ্ক আছে। অসম টাটা উপভোক্তা সামগ্ৰীৰ (কনজিউমাৰ প্ৰডাক্ট) বাবে এক গুৰুত্বপূৰ্ণ উৎস কেন্দ্ৰ আৰু লগতে আমাৰ ব্ৰেণ্ডবোৰৰ বাবে এক মুখ্য বজাৰ। বিগবাস্কেটৰ গ্ৰাহকক প্ৰথমতে স্থান দিয়া প্ৰয়াস, এক বৃহৎ উপভোক্তাৰ বাবে ডিজিটেল পৰিস্থিতিতন্ত্ৰ সৃষ্টি কৰাৰ।

Subscribe to EastMojo Assam

Enter your email address to receive notifications of new stories by email.

Join 6,334 other subscribers

Leave a comment

Leave a Reply Cancel reply