নিউজ ডেস্কঃ মহানগৰীৰ বেলতলা সৌৰভ নগৰত সংঘটিত হৈছে এক চাঞ্চল্যকৰ ঘটনা।
সৌৰভ নগৰৰ এটি পৰিয়ালৰ ঘৰৰ গেটত পুৱাই দেখা গ’ল মৃতদেহ ওলমি থকা।
জানিব পৰা অনুসৰি, মৃত লোকজন ত্ৰিপুৰাৰ সুবল দেৱবৰ্মা বুলি চিনাক্ত কৰা হৈছে।
সৌৰভ নগৰৰ কেশৱ কলিতা নামৰ লোকজনৰ ঘৰৰ সন্মুখত গেটত ওলোমাই থোৱা অৱস্থাত এই মৃতদেহটো উদ্ধাৰ হৈছে।
বৰ্তমান ঘটনাটোক লৈ আৰক্ষী কোনো ধৰণৰ স্পষ্ট মন্তব্য দিয়া নাই।
বৰ্তমান আৰক্ষীয়ে তদন্ত অব্যাহত ৰাখিছে। আৰক্ষীৰ তদন্ততহে সমগ্ৰ ঘটনা পোহৰলৈ আহিব।