মানকাচৰ : ভাৰত-বাংলাদেশ সীমান্ত পৰিদৰ্শন কৰিলে গৃহমন্ত্ৰী অমিত শ্বাহ। মানকাচস্থিত ভাৰত-বাংলাদেশ সীমান্ত প্ৰদৰ্শন কৰে কেন্দ্ৰীয় গৃহমন্ত্ৰী অমিত শ্বাহে। ৰাইজক কৰমৰ্দন কৰি অভিনন্দন কৰি উৎসাহিত কৰে কেন্দ্ৰীয় গৃহমন্ত্ৰী গৰাকীয়ে।

সোমবাৰে দক্ষিণ শালমাৰা-মানকাচৰ জিলাৰ ভাৰত-বাংলাদেশ সীমান্ত প্ৰদৰ্শন কৰে কেন্দ্ৰীয় গৃহমন্ত্ৰী অমিত শ্বাহ। কেন্দ্ৰীয় গৃহমন্ত্ৰী গৰাকীয়ে হেলিকপ্টাৰযোগে দিনৰ প্ৰায় ১১ বজাত মানকাচৰ আহি উপস্থিত হয়। কেন্দ্ৰীয় গৃহমন্ত্ৰীয়ে প্ৰথমে মানকাচৰস্থিত কামাখ্যা মন্দিৰত দেৱীক সেৱা জনায়।

ইয়াৰ পাছতেই বিশাল কনভয়ৰে মানকাচৰৰ সাহাপাৰা বিএছএফ কেম্প এলেকাত থকা কালো নদীৰ পাৰত থকা বিএছএফ পহৰা টাৱাৰ উপস্থিত হয় কেন্দ্ৰীয় গৃহমন্ত্ৰী অমিত শ্বাহ। তাত তেওঁ মুখ্যমন্ত্ৰী হিমন্ত বিশ্ব শৰ্মা, বিএছএফৰ শীৰ্ষ বিষয়াৰ সৈতে আলোচনাত মিলিত হয়। সীমান্ত সমস্যাক লৈ আলোচনা কৰাৰ সময়ত সীমান্তবৰ্তী এলেকাত বসবাস কৰা লোক সকলে অমিত শ্বাহক দেখি জয় শ্ৰীৰাম আৰু জিন্দাবাদ ধ্বনি দিবলৈ ধৰে।

লগতে পঢ়ক –  ১০০ শতাংশ প্লেচমেণ্টৰ কৃতিত্ব সন্দীপ বিশ্ববিদ্যালয়ৰ

ইয়াৰ পিছতে কেন্দ্ৰীয় গৃহমন্ত্ৰী গৰাকীয়ে মুখ্যমন্ত্ৰীৰ সৈতে সীমান্তৰ বিএছএফ টাৱাৰৰ পৰা নামি ৰাইজৰ কাষত গৈ কৰমৰ্ধন কৰি ৰাইজক অভিনন্দন জনাই উৎসাহিত কৰে। ইয়াৰ পাছত দিনৰ ৰায় ১২.৩০ বজাত তেওঁ সীমান্তৰ পৰা মানকাচৰ বিএছএফ কেম্পত উপস্থিত হৈ দুপৰীয়াৰ আহাৰ গ্ৰহণ কৰাৰ লগতে আন এখন গুৰুত্বপূৰ্ণ আলোচনাত ভাগ লয়।

Subscribe to EastMojo Assam

Enter your email address to receive notifications of new stories by email.

Join 6,136 other subscribers

Leave a comment

Leave a Reply Cancel reply