গুৱাহাটী– বিবাহৰ বান্ধোনেৰে বান্ধ খাব অসমৰ জনপ্ৰিয় কণ্ঠশিল্পী ভৃগু কাশ্যপ আৰু অভিনেত্ৰী প্ৰিয়ম পল্লৱী। অহা ১মাৰ্চত ভৃগু- প্ৰিয়মৰ বিয়া। গুৱাহাটীৰ ৰাণীৰ চেং ৰিজৰ্টত অনুষ্ঠিত হ’ব তেওঁলোকৰ বিবাহ। জানিব পৰা মতে ভৃগু- প্ৰিয়মৰ বিয়াৰ বিশেষ আকৰ্ষণ হিচাপে ৰাছিয়াৰ পৰা আমন্ত্ৰণ কৰা হৈছে চাৰি গৰাকীকৈ নৃত্যশিল্পীৰ লগতে থাকিব দুজন ডি.জে । লগতে থাকিব অসমৰ বহুকেইজন জনপ্ৰিয় কণ্ঠশিল্পী।
ভৃগু কাশ্যপৰ জনপ্ৰিয় ‘লাজে লাজে’ গীতটিৰ শ্বুটিঙৰ সময়ৰ পৰা দুয়োৰে মাজত আৰম্ভ হৈছিল প্ৰেমৰ সম্পৰ্ক।অভিনেত্ৰীগৰাকীয়ে ছ’চিয়েল মিডিয়াতো ভৃগু কাশ্যপৰ সৈতে ফটো শ্বেয়াৰ কৰিছে । বহুদিন ধৰি তেওঁলোকে ইজনে সিজনক ডেটিং কৰি আছে। অৱশেষত দীৰ্ঘদিনীয়া প্ৰেমৰ অন্তত বিয়াত বহিব দুয়ো।