Kangana as Indira Gandi in 'Emergency'

ডেস্ক : পোছাক পিন্ধন, ব্যক্তিত্বৰ অভিব্যক্তি, কথা কোৱাৰ ধৰণ সকলো একেই। এইটো কেনেকৈ সম্ভৱ? ‘Emergency’ ৰ প্ৰথমটো টিজাৰ মুকলি হোৱাৰ লগে লগে সমগ্ৰ দেশতে চৰ্চাৰ কেন্দ্ৰ হৈ পৰিছে ইন্দিৰা-কংগনা-ৰামগোপাল। ছবিখনক লৈ ইতিমধ্যে বিতৰ্কও আৰম্ভ হৈছে। ইয়াৰ মাজতে, পৰিচালক ৰামগোপাল বাৰ্মাই নায়িকা কংগনাৰ প্ৰশংসাত পঞ্চমুখ হৈ কৈছে জৰুৰীকালীন সেই সময়ত ইন্দিৰা গান্ধীয়ে আজিৰ কংগনাৰ দৰেই কৰিছিল!

পৰিচালকজনে শেহতীয়াকৈ ছ’চিয়েল মিডিয়াত ইন্দিৰা গান্ধীৰ এটা সাক্ষাৎকাৰৰ ভিডিঅ’ শ্বেয়াৰ কৰিছিল। ১৯৮৪ৰ ভিডিঅ’। ইন্দিৰাই পঞ্জাৱৰ কঠিন পৰিস্থিতি সন্দৰ্ভত নিজৰ মতামত প্ৰকাশ কৰিছে। সেই সাক্ষাৎকাৰটোৰ আভাসলৈ চাই পৰিচালকজনে এনে অনুভৱ কৰিছিল যেন কংগনাইহে কথা পাতি আছে! ‘জৰুৰীকালীন অৱস্থা’ত, কংগনাই ইন্দিৰাক অনুকৰণ কৰিছে নে ইন্দিৰাই কংগনাৰ দৰে অভিনয় কৰিছে তাক লৈ তেওঁৰ মনত বিবাদ আছে বুলিও উল্লেখ কৰি নেটিজেনৰ মাজত চৰ্চিত হৈছে।

ইন্দিৰা গান্ধীৰ এটা পুৰণি ভিডিঅ’ শ্বেয়াৰ কৰি পৰিচালকজনে লিখিছিল, ‘বিশ্বাস কৰক বা নকৰক, ইন্দিৰা গান্ধীয়ে কংগনাৰ দৰে অভিনয় কৰিছিল!’ পিছত কংগনা নিজেই ৰামগোপাল বাৰ্মাৰ প্ৰশংসাত অভিভূত হৈছিল। পোষ্টটো শ্বেয়াৰ কৰি অভিনেত্ৰীগৰাকীয়ে পুনৰ লিখিছে, “আহক নিশ্চিত হওঁ। মই এই চৰিত্ৰটোৰ বাবে নিজকে বাছনি কৰিছো!’ উল্লেখ্য যে কংগনা হৈছে এই ‘Emergency’ ছবিখনৰ প্ৰযোজিকাও।

Subscribe to EastMojo Assam

Enter your email address to receive notifications of new stories by email.

Join 6,596 other subscribers

Leave a comment

Leave a Reply Cancel reply