নিউজ ডেস্কঃ দীৰ্ঘদিনৰ বিৰতিৰ মূৰত পুনৰ অভিনয় জগতলৈ উভতি আহিছে বলীউড অভিনেতা ছানী দেউল। ছানী দেউলক আকৌ এবাৰ তেওঁৰ একচন আৰু ষ্টাইলৰ সৈতে দেখিবলৈ পোৱা যাব। ২৩ ছেপ্তেম্বৰত অভিনেতাজনৰ নতুন ছবি ‘Chup’ মুক্তি লাভ কৰিব।

ইতিমধ্যে ছবিখনৰ ট্ৰেইলাৰও মুকলি কৰা হৈছে। এই চলচ্চিত্ৰখনত, তেওঁক এজন খঙাল যুৱকৰ চৰিত্ৰত দেখা গৈছে।

ট্ৰেইলাৰটোত ছানী দেউলক এজন আৰক্ষীৰ চৰিত্ৰত দেখা গৈছে। এটা হত্যাকাৰীৰ সন্ধানত তেওঁক দেখা যায় । অনুৰাগীসকলে এই ট্ৰেইলাৰটো চোৱাৰ পিছত ছবিখনৰ মুক্তিৰ বাবে আগ্ৰহেৰে অপেক্ষা কৰি আছে। ছবিখনত এজন আৰক্ষীৰ চৰিত্ৰত অভিনয় কৰা ছানি দেউলে কয়, “এইটো এটা অতি ৰোমাঞ্চকৰ কাহিনী। ব্যক্তিগতভাৱে মোৰ বাবে এটা অতি আকৰ্ষণীয় দৃশ্যগ্ৰহণ আছিল।”

Dulquer Salmaan এ কয়, “মই মোৰ কেৰিয়াৰত বিভিন্ন চলচ্চিত্ৰত অভিনয় কৰিছো, যদিও এই চৰিত্ৰ আৰু ইয়াৰ কাহিনীয়ে মোক প্ৰভাৱিত কৰিছে। মই অভিনয় কৰি থকা চৰিত্ৰটো বিশেষভাৱে অনন্য সেয়েহে এইটো মোৰ বাবে এক সম্পূৰ্ণ নতুন অভিজ্ঞতা আছিল।”

R Balki এ কৈছিল, “কাহিনীটোৰ বাবে মোৰ এই ধাৰণাটো বহু আগতে আছিল আৰু মই নাজানো কিয় মই ইয়াক লিখিবলৈ আৰু ইয়াক পৰ্দালৈ আনিবলৈ ইমান সময় লৈছিলো। এইখন এখন থ্ৰিলাৰ চিনেমা , যিয়ে আপোনাক এজন শিল্পীৰ মানসিকতা আৰু হত্যাকাৰীৰ সৃষ্টিৰ সাক্ষী কৰি তোলে। এই Projectটোক লৈ মই অত্যন্ত গৌৰৱান্বিত।”

উল্লেখ্য যে, এই চিনেমাখনত শ্ৰেয়া ধনৱন্তৰী আৰু পূজা ভট্টেও অভিনয় কৰিছে। ছবিখন প্ৰযোজনা কৰিছে ৰাকেশ ঝুনঝুনৱালা, অনিল নাইডু, ড০ জয়ন্তী লাল গদা আৰু গৌৰী সিন্দে।

Subscribe to EastMojo Assam

Enter your email address to receive notifications of new stories by email.

Join 6,481 other subscribers

Leave a comment

Leave a Reply Cancel reply