গুৱাহাটী : মহানগৰীত পুনৰ সুৰামত্ত যুৱক-যুৱতীৰ উদ্ভণ্ডালি। সুৰাৰ ৰাগীত মাতাল লৈ এহাল যুৱক-যুৱতীয়ে তাণ্ডৱ চলায় মহানগৰীত। সুৰামত্ত যুৱক-যুৱতীহালে আৰক্ষী আৰু সাংবাদিকৰ লগত দুৰ্ব্যৱহাৰ কৰাৰো অভিযোগ।
দেওবাৰে নিশাৰ ভাগত মহানগৰী গুৱাহাটীৰ হাতীগাঁৱত সুৰামত্ত যুৱক-যুৱতীয়ে তাণ্ডৱলীলা চলায়। সুৰাৰ ৰাগীত মাতাল লৈ যুৱক-যুৱতীহালে গাড়ী চলাই আহি ৰাজধানী মছজিদৰ সন্মুখত অন্য এখন গাড়ীত খুন্দা মাৰে। ইয়াৰ পিছত দুর্ঘটনাস্থলীত উপস্থিত হয় আৰক্ষী।
যান বাহন শাখাৰ আৰক্ষীয়ে সুৰামত্ত যুৱক-যুৱতীহালক গাড়ীৰ পৰা নামি আহিবলৈ দিয়াৰ পিছতে আৰম্ভ হয় যুৱক-যুৱতীহালৰ তাণ্ডৱ লীলা। সুৰামত্ত যুৱক-যুৱতীহালে আৰক্ষীৰ লগত তৰ্কত লিপ্ত হোৱাৰ লগতে আৰক্ষীক দুৰ্ব্যৱহাৰ কৰে। আনকি আৰক্ষীৰ কাপোৰ ফালি দিয়ে বুলিও জানিব পৰা গৈছে।
লগতে পঢ়ক – দিল্লীৰ গংগাৰাম হস্পিতালত ভৰ্তি কৰোৱা হৈছে কংগ্ৰেছ অধ্যক্ষা ছোনিয়া গান্ধীক
অৱশেষত আৰক্ষীয়ে সুৰামত্ত যুৱক-যুৱতীহালক আটক কৰি হাতীগাঁও থানালৈ নিয়ে যদিও পৰৱৰ্তী সময়ত দিছপুৰ থানাত যুৱক-যুৱতীহালক জেৰা চলায় আৰক্ষীয়ে। সুৰামত্ত যুৱক-যুৱতীহালে আনকি বাতৰি সংগ্ৰহ কৰিবলৈ যোৱা সাংবাদিকৰ লগতো দুৰ্ব্যৱহাৰ কৰে।