নিউজ ডেস্ক- আজি কেন্দ্রীয় বিত্ত মন্ত্ৰী নিৰ্মলা সীতাৰমণ চাৰিদিনীয়া চৰকাৰী ভ্ৰমণসূচীৰে দক্ষিণ কোৰিয়াত উপস্থিত হয়। তেওঁ এছিয়ান ডেভেলপমেণ্ট বেংকৰ পৰিচালনা পৰিষদৰ ৫৬ তম বার্ষিক সভাত অংশগ্ৰহণ কৰে।
উল্লেখ্য যে, দক্ষিণ কোৰিয়াত ভাৰতৰ ৰাষ্ট্রদূত কুমাৰ অমিতে বিত্ত মন্ত্ৰীগৰাকীক ইনচিয়ন বিমানবন্দৰত আদৰণি জনাইছিল।
জানিব পৰা মতে, বিত্ত মন্ত্ৰী নিৰ্মলা সীতাৰমণেও বিনিয়োগকাৰীসকলক সম্বোধন কৰিব আৰু তেওঁৰ কাৰ্যালয়ত দ্বিপাক্ষিক বৈঠকত অংশগ্ৰহণ কৰে।
আনহাতে, কেন্দ্রীয় বিত্ত মন্ত্ৰীগৰাকীয়ে বিশ্বব্যাপী অর্থনীতিবিদ, এডিবি সদস্য দেশসমূহৰ বিত্ত মন্ত্ৰীসকলৰ সৈতেও বৈঠকত মিলিত হ’ব। ইয়াৰ উপৰিও, তেওঁ বিশ্বব্যাপী উদ্যোগৰ নেতৃবৃন্দ আৰু বিনিয়োগকাৰীসকলৰ সৈতে এক গোলমেজ বৈঠকত অংশগ্ৰহণ কৰিব আৰু প্ৰবাসী ভাৰতীয়সকলকো সম্বোধন কৰিব।