বিশ্বকাপ যাত্ৰা শেষ। পিছে আৰ্জেণ্টিনা ৰাষ্ট্ৰীয় দলৰ পৰা অৱসৰ নলয় লিঅ’নেল মেছিয়ে। কাটাৰ বিশ্বকাপত চেম্পিয়ন হ’ল আৰ্জেণ্টিনা। শক্তিশালী ফ্ৰান্সক পৰাস্ত কৰি বিশ্বজয় কৰিলে মেছি বাহিনীয়ে। ফাইনেললৈ আগবাঢ়ি যোৱাৰ সময়ত উৰা বাতৰি বিয়পি পৰিছিল যে আমি শেষবাৰৰ বাবে লিঅ’নেল মেছিক আন্তঃৰাষ্ট্ৰীয় পৰ্যায়ত আৰ্জেণ্টিনাৰ হৈ খেলি থকা দেখিম।
কিন্তু ৩৫ বছৰীয়া মেছিয়ে দেওবাৰে ফ্ৰান্সৰ বিৰুদ্ধে এক স্পন্দনশীল ফাইনেলত তেওঁৰ দেশক গৌৰৱলৈ লৈ যোৱাৰ পিছত উৰা বাতৰিবোৰ দৃঢ়তাৰে বন্ধ কৰি দিছিল। ২০২৬ চনত পৰৱৰ্তী বিশ্বকাপ ঘূৰি অহাৰ সময়ত মেছিৰ বয়স ৩৯ বছৰ হ’ব।
খেলৰ পিছৰ এক সাক্ষাৎকাৰত মেছিয়ে কয়, ‘এয়া যিকোনো লোকৰ শৈশৱৰ সপোন। মই ভাগ্যৱান যে মই এই কেৰিয়াৰত সকলো খিনি অৰ্জন কৰিছো। মই জানিছিলো ঈশ্বৰে মোক বিশ্বকাপ উপহাৰ দিব। এয়া মোৰ বিশ্বাস আছিল। কিয় জানো মোৰ বাৰে বাৰে ভাৱ হৈছিল যে বিশ্বকাপ আমিয়ে জিকিম। ঈশ্বৰক ধন্যবাদ তেওঁ সকলো দিছে মোক। মই ৰাষ্ট্ৰীয় দলৰ পৰা অৱসৰ ল’বলৈ নাযাওঁ। মই আৰ্জেণ্টিনাৰ চাৰ্টত বিশ্বকাপ চেম্পিয়ন হিচাপে খেলি থাকিব বিচাৰো।’