যোগাযোগৰ ক্ষেত্ৰত আন এক সফলতা ইছৰোৰ

নিউজ ডেস্ক– বৃহস্পতি বাৰে ভাৰতীয় মহাকাশ গৱেষণা সংস্থা ‘ইছৰো’য়ে ভাৰতৰ ৪২ সংখ্যক যোগাযোগ উপগ্ৰহটো উৎক্ষেপন কৰে। বিয়লি ৩বাজি ৪১ মিনিটত শ্ৰী হৰিকোটাৰ পৰা চি এম এছ-০১ নামৰ উপগ্ৰহটো পি এছ এল ভি-চি ৫০ ৰকেটৰ সহায়ত উৎক্ষেপন কৰে।

এই উপগ্ৰহে ভাৰত, আন্দামান- নিকোবৰ আৰু লাক্ষাদ্বীপক আৱৰি থকা চি বেণ্ডত সেৱা প্ৰদান কৰিব বুলি আশা কৰা হৈছে৷ লগতে দুৰ্যোগ ব্যৱস্থাপনা আৰু ইণ্টাৰনেট সংযোগত সহায় কৰিব পাৰিব বুলি জানিব পৰা গৈছে৷ কভিড মহামাৰীৰ সময়ত এইয়া হৈছে দ্বিতীয় উৎক্ষেপন।