লাডাখত বৰফাবৃত হ্ৰদৰ ওপৰত উৰিল গণতন্ত্ৰ দিৱসৰ পতাকা

নিউজ ডেস্ক– লাডাখত বৰফাবৃত হ্ৰদৰ ওপৰত উৰিল গণতন্ত্ৰ দিৱসৰ পতাকা। সমগ্ৰ দেশৰ লগতে লাডাখতো আইটিবিপিৰ জোৱান সকলে উদযাপন কৰিলে ৭২ সংখ্যক গণতন্ত্ৰ দিৱস।

লাডাখৰ ১৭হাজাৰ ফুট উচ্চতাত -২৫ ডিগ্ৰী ছেলছিয়াছ তাপমাত্ৰাত বৰফে আবৰা এটা হ্ৰদত জোৱান সকলে উত্তোলন কৰিলে গণতন্ত্ৰ দিৱসৰ পতাকা।

প্ৰচণ্ড শীতৰ মাজত গণতন্ত্ৰ দিৱসৰ পতাকা উত্তোলন কৰা ভিডিঅ’ ‘ভাৰত-তিব্বত সীমা সুৰক্ষা বাহিনী’ য়ে টুইটাৰত আপল’ড কৰাৰ পাছতে ছচিয়েল মিডিয়াত ভাইৰেল হৈ পৰিছে ভিডিঅ’টো। প্ৰায় ৪,৮০০ হাজাৰ লোকে ভিডিঅ’টো প্ৰত্যক্ষ কৰে। শতাধিক লোকে লাইক, কমেন্টো কৰে। ‘ভাৰত-তিব্বত সীমা সুৰক্ষা বাহিনী’ক ছেলু্য়ট জনাই টুইট কৰে বহুতে।

উল্লেখ্য় যে এইবাৰ গণতন্ত্ৰ দিৱসত দিল্লীৰ ৰাজপথত প্ৰথমবাৰৰ বাবে লাডাখৰ প্ৰতীকপট প্ৰদৰ্শিত হ’ল।