নিউজ ডেস্কঃ প্ৰয়াত চিডিএছ বিপিন ৰাৱাটলৈ মৰণোত্তৰভাৱে ভাৰতৰ সৰ্বোচ্চ অসামৰিক সন্মানৰ অন্যতম পদ্ম বিভূষণ প্ৰদান কৰা হ’ব। অহা ২১ মাৰ্চ অৰ্থাৎ সোমবাৰে দেশৰ প্ৰথম গৰাকী চিডিএছ ৰাৱাটৰ দুগৰাকী কন্যা ক্ৰমে- কৃতীকা আৰু তাৰিণীয়ে এই সন্মান ৰাষ্ট্ৰপতি ৰামনাথ কোবিন্দৰ পৰা গ্ৰহণ কৰিব।
যোৱা ২৬ জানুৱাৰীত দেশৰ ১২৮ গৰাকী ঘোষণা কৰা হৈছিল পদ্ম সন্মান। ইয়াৰ ভিতৰত আছে ৪ গৰাকী পদ্ম বিভূষণ, ১৭ গৰাকী পদ্ম ভূষণ আৰু ১০৭ গৰাকী লোকলৈ পদ্মশ্ৰী সন্মান।
উল্লেখযোগ্য যে, যোৱা বছৰ অৰ্থাৎ ২০২১চনৰ ডিচেম্বৰ মাহৰ ৮ তাৰিখে তামিলনাডুত এক হেলিকপ্টাৰ দুৰ্ঘটনাত চিডিএছ বিপিন ৰাৱাটৰ মৃত্যু হৈছিল।