নিউজ ডেস্কঃ পশ্চিমবংগৰ মুখ্যমন্ত্ৰী মমতা বেনাৰ্জীয়ে আজি বীৰভূম জিলাৰ বোগটুই গাঁৱত উপস্থিত হয়। তেওঁ কয় যে- ‘অজুহাত নহয়, যিসকল দোষী সিঁহতক গ্ৰেপ্তাৰ কৰাটো বিচাৰো।’ উল্লেখ্য যে, মঙলবাৰে বোগটুই গাঁৱত কেইবাটাও বাসগৃহত অগ্নি সংযোগ কৰে দুৰ্বৃত্তই। এই অগ্নিকাণ্ডত ৮জনকৈ লোকে প্ৰাণ হেৰুৱাই।

মমতা বেনাৰ্জীয়ে লগতে কয়- ‘কেতিয়াও ভবা নাছিলো যে আধুনিক পশ্চিমবংগত এনে বৰ্বৰ কাণ্ড সংঘটিত হ’ব। মাতৃ-কন্যাৰ মৃত্যু হৈছে। এয়া এক ডাঙৰ ষড়যন্ত্ৰ। সম্পূৰ্ণ ঘটনাৰ তদন্ত কৰা হ’ব।’ ইফালে, মুখ্যমন্ত্ৰীগৰাকীয়ে অগ্নিকাণ্ডত ভস্মীভূত বাসগৃহসমূহৰ মেৰামতিৰ বাবে ১ লাখকৈ টকা দিয়াৰ কথা ঘোষণা কৰে। লগতে পীড়িত পৰিয়ালৰ লোকক চৰকাৰী দিয়াৰ প্ৰতিশ্ৰুতি প্ৰদান কৰিছে তেওঁ।

পশ্চিমবংগৰ মুখ্যমন্ত্ৰীগৰাকীয়ে সাংবাদিকৰ আগত কয়- ‘আমাৰ চৰকাৰৰ বদনাম কৰাৰ বাবে বিজেপি, বাওঁপন্থী আৰু কংগ্ৰেছে চেষ্টা চলাইছে… বীৰভূম ঘটনাৰে জড়িত প্ৰতিজন দোষীয়ে শাস্তি পাব।’

Subscribe to EastMojo Assam

Enter your email address to receive notifications of new stories by email.

Join 6,479 other subscribers

Leave a comment

Leave a Reply Cancel reply