নিউজ ডেস্কঃ চাৰধাম দৰ্শনৰ বাবে দীৰ্ঘদিন ধৰি অপেক্ষা কৰি থকা ভক্তসকলৰ বাবে ভাল খবৰ।

উচ্চ ন্যায়ালয়ে কৰোনা সংক্ৰমণৰ বাবে উত্তৰাখণ্ডৰ চাৰধাম যাত্ৰাৰ স্থগিতাদেশ প্ৰত্যাহাৰ কৰিছে। বৃহস্পতিবাৰে উচ্চ ন্যায়ালয়ে কিছু নিষেধাজ্ঞাৰ সৈতে চাৰ ধাম যাত্ৰাৰ অনুমতি দিছে।

উচ্চ ন্যায়ালয়ে বদ্ৰীনাথ ধামলৈ ১২০০ তীৰ্থযাত্ৰী, কেদাৰনাথ ধামত ৮০০, গঙ্গোত্ৰীত ৬০০ জন আৰু যমুনোত্ৰী ধামত মুঠ ৪০০ জন কঢ়িয়াই নিয়াৰ অনুমতি দিছে।

ইয়াৰ উপৰিও, আদালতে প্ৰতিজন ভক্ত বা যাত্ৰীক কোভিড নিগেটিভ প্ৰতিবেদন আৰু দুই পালি ভেকছিনৰ প্ৰমাণপত্ৰ লগত নিয়াতো বাধ্যতামূলক কৰিছে।

তদুপৰি, উচ্চ ন্যায়ালয়ে চামোলী, ৰুদ্ৰপ্ৰয়াগ আৰু উত্তৰকাশী জিলাত চাৰধাম যাত্ৰাৰ সময়ত প্ৰয়োজন অনুসৰি আৰক্ষী বাহিনী মোতায়েন কৰিবলৈ নিৰ্দেশ দিছে।

লগতে পঢ়কঃকোভিড পৰিস্থিতি ৫ শতাংশৰ তলত থাকিলে অনুষ্ঠিত হ’ব হৰ্ণবিল উৎসৱ

আনহাতে, চাৰ ধাম যাত্ৰা মুকলি কৰাত তীৰ্থৰ পুৰোহিতসকলে আনন্দ প্ৰকাশ কৰিছে। সকলোৱে উচ্চ ন্যায়ালয় আৰু মুখ্যমন্ত্ৰী পুষ্কৰ সিং ধামীক কৃতজ্ঞতা জনাইছে। শেহতীয়াকৈ চাৰধামৰ তীৰ্থযাত্ৰী পুৰোহিতসকলে মুখ্যমন্ত্ৰী পুষ্কৰ সিং ধামীক তেখেতৰ বাসগৃহত সাক্ষাৎ কৰি চাৰধাম যাত্ৰা আৰম্ভ কৰিবলৈ মুখ্যমন্ত্ৰীক দাবী জনাইছিল।

অৱশেষত নীতি নিয়মৰ মাজেৰেচাৰধাম যাত্ৰাৰ অনুমতি দিলে আদালতে । চৰকাৰক ন্যায়ালয়ে নিৰ্দেশ সমূহ কঠোৰ ভাবে পালন কৰিবলৈ জনাইছে ।

Subscribe to EastMojo Assam

Enter your email address to receive notifications of new stories by email.

Join 5,335 other subscribers

Leave a comment

Leave a Reply