নিউজ ডেস্ক : প্ৰতিৰক্ষা গৱেষণা আৰু উন্নয়ন সংস্থাই প্ৰস্তুত কৰা ২-ডিঅক্সি-ডি-গ্লুক’জ (২-ডিজি)ৰ প্ৰথম পৰ্যায়ৰ ঔষধ মুকলি কৰে কেন্দ্ৰীয় প্ৰতিৰক্ষা মন্ত্ৰী ৰাজনাথ সিঙ আৰু স্বাস্থ্যমন্ত্ৰী হৰ্ষবৰ্ধনে। প্ৰতিৰক্ষা মন্ত্ৰালয়ে এক বিবৃতিযোগে জানিবলৈ দিয়া মতে, এই ঔষধবিধ হায়দৰাবাদস্থিত ড০ ৰেড্ডীজ গৱেষণাগাৰৰ সহযোগত ডি আৰ ডি অ’ৰ ইনষ্টিটিউট অৱ নিউক্লিয়াৰ মেডিচিন এণ্ড এলাইড চায়েন্সছৰ (INMAS) দ্বাৰা বিকশিত কৰা হৈছে ।

এই ঔষধৰ ক্লিনিকেল পৰীক্ষণৰ ফলাফলে প্ৰমাণিত কৰিছে যে, ই চিকিৎসালয়ত চিকিৎসাধীন হৈ থকা ৰোগীসকলে সোনকালে আৰোগ্য লাভ কৰাত সহায় কৰে আৰু পৰিপূৰক অক্সিজেন নিৰ্ভৰশীলতা হ্ৰাস কৰে। এই ঔষধটো পাউডাৰ হিচাবে উপলব্ধ হ’ব। ইয়াক ORS ৰ দৰে পানীত মিহলী কৰি দিনে দুবাৰকৈ সেৱন কৰিব লাগিব বুলি মন্তব্য কৰিছে INMAS ৰ বিজ্ঞানী ডা: সুধীৰ চন্দনাই। ৫ ৰ পৰা ৭ দিনলৈ ইয়াক সেৱন কৰিব লাগিব পাৰে।

২-ডিজি ঔষধটো আজি মুকলি হোৱাৰ পিছত সাধাৰণ ৰাইজৰ বাবে উপলব্ধ হ’ব। উৎপাদন দ্ৰুতগতিত বৃদ্ধি কৰা হৈছে যাতে ই যিমান সোনকালে সম্ভৱ ৰোগীয়ে লাভ কৰিব পাৰে। পাৰ্শ্বক্ৰিয়াৰ সম্পৰ্কে ডাঃ চন্দনাই কয়, পৰীক্ষণৰ সময়ত, ঔষধটো স্বাভাৱিক আৰু গুৰুতৰ ৰোগীসকলক দিয়া হৈছিল। সকলো ৰোগী এই ঔষধৰ দ্বাৰা উপকৃত হৈছিল আৰু কাৰো ওপৰত কোনো বিৰূপ প্ৰভাৱ দেখা পোৱা নাছিল। তেওঁৰ মতে, এই ঔষধৰ কোনো পাৰ্শ্বক্ৰিয়া নাই বুলি ক’ব পাৰি।

INMASৰ সঞ্চালক ডাঃ অনিল মিশ্ৰৰ মতে, ২-ডিজিয়ে ইয়াৰ প্ৰতিলিপি তৈয়াৰ কৰা ভাইৰাছটো ধৰি ৰাখে। অৰ্থাৎ, ভাইৰাছটোৰ যি প্ৰকাৰৰে নহওঁক কিয়, ইয়াক গ্ৰহণ কৰিব লাগিব, আৰু ইয়াৰ গ্ৰহণ কৰিবলৈ আগবাঢ়ি যোৱাৰ লগে লগে, ঔষধটোৱে ভাইৰাছটোক ফান্দত পেলাব। ডাঃ মিশ্ৰৰ মতে, এই ঔষধ গ্ৰহণ কৰাৰ পিছত অক্সিজেনৰ চাহিদা বৃদ্ধি হয় কিয়নো ভাইৰাছটো দ্ৰুতগতিত ক্ষতিগ্ৰস্ত হ’বলৈ আৰম্ভ কৰে। সেই প্ৰক্ৰিয়াটো বন্ধ হোৱাৰ পিছত, অক্সিজেনৰ সংকটো সমাপ্ত হ’ব।

২-ডিঅক্সি-ডি-গ্লুক’জ(২-ডিজি) ব্যৱহাৰ কৰি চিকিৎসা কৰা বহু ৰোগীৰ ক’ভিডৰ আৰ টি পি চি আৰ পৰীক্ষাৰ পিছত তেওঁলোকৰ দেহত কৰ’ণাৰ অৱস্থিতি নথকাৰ কথা স্পষ্ট হয়। এই ঔষধটো ক’ভিড-১৯ত আক্ৰান্ত ৰোগীৰ বাবে যথেষ্ট লাভদায়ক হ’ব বুলি আশা কৰা হৈছে। ২০২০ চনৰ এপ্ৰিল মাহত মহামাৰীৰ প্ৰথম ঢৌৱে বিভীষিকাৰ সৃষ্টি কৰাৰ সময়ত, আই এন এম এ এছ আৰু ডি আৰ ডি অ’ৰ বিজ্ঞানীসকলে হায়দৰাবাদৰ চেণ্টাৰ ফৰ ছেলুলাৰ এণ্ড মলিকিউলাৰ বায়’ল’জীৰ সহায়ত পৰীক্ষাগাৰৰ পৰীক্ষা-নিৰীক্ষা চলাইছিল আৰু প্ৰমাণিত হৈছিল যে এই অণুটোৱে এছ এ আৰ এছ-চি অ’ ভি-২ ভাইৰাছক প্ৰতিহত কৰিব পাৰে।

আৰু পঢ়কঃ ভিডিঅ’ কনফাৰেন্স যোগে বিজেপিৰ নৱ-নিৰ্বাচিত বিধায়কসকলক আদৰণি

এই ফলাফলৰ ওপৰত ভিত্তি কৰি ড্ৰাগছ কন্ট্ৰ’লাৰ জেনেৰেল অৱ ইণ্ডিয়া আৰু কেন্দ্ৰীয় ঔষধ মান নিয়ন্ত্ৰণ সংস্থাই বিগত বৰ্ষৰ মে’ মাহত ঔষধবিধৰ দ্বিতীয় পৰ্যায়ৰ ক্লিনিকেল পৰীক্ষণৰ অনুমতি দিয়ে। বিগত বৰ্ষৰ মে’ মাহৰ পৰা অক্টোবৰলৈকে চলোৱা হৈছিল। পৰীক্ষণত ঔষধটো ক’ভিড ৰোগীৰ ক্ষেত্ৰত সুৰক্ষিত বুলি জানিব পৰা গৈছিল। ৰোগীসকল সোনকালে আৰোগ্য হোৱা দেখা গৈছিল।

Subscribe to EastMojo Assam

Enter your email address to receive notifications of new stories by email.

Join 5,283 other subscribers

Leave a comment

Leave a Reply