নিউজ ডেস্ক- শনিবাৰে হিমাচলৰ ধৰ্মশালাত কৰোণা ভাইৰাছৰ ভেকচিন ল’লে ধৰ্মগুৰু দালাই লামাই। পুৱা ৭ বাজি ১০ মিনিটত জ’নেল হস্পিতালত ভেকচিন গ্ৰহণ কৰিলে ধৰ্মগুৰু গৰাকীয়ে। ভেকচিন লোৱাৰ পিছত ১ঘণ্টাৰ বাবে তেওঁক হস্পিতালত নিৰীক্ষণত ৰখা হৈছিল।
৮৫বছৰীয়া দালাই লামাই কভিড-১৯ৰ প্ৰথমটো ড’জ গ্ৰহণ কৰে। কভিড ভেকচিন লোৱাৰ পিছত ধৰ্মগুৰু গৰাকীয়ে হস্পিতালখনৰ চিকিৎসক, স্বাস্থ্যকৰ্মীৰ লগতে কেন্দ্ৰীয় আৰু ৰাজ্য চৰকাৰকো ধন্যবাদ জনায়। উল্লেখ্য যে, দেশত বৰ্তমানলৈ প্ৰায় ১ কোটি ৯৫ লাখ লোকক প্ৰদান কৰা হৈছে ভেকচিন।
দালাই লামা তিব্বতৰ ১৪তম ধৰ্মগুৰু। তেখেতৰ জন্ম ১৯৩৫ চনৰ ৬ জুলাইত তিব্বতৰ আমডো অঞ্চলৰ এখন সৰু গাঁৱত হৈছিল।
দেশত ক্ৰমান্বয়ে কিছু পৰিমাণে বাঢ়িছে কৰোণাৰ সংক্ৰমণ। ধৰ্মগুৰু গৰাকীয়ে এই ক্ষেত্ৰত সকলোকে আগবাঢ়ি আহি কৰোণাৰ ভেকচিন গ্ৰহণ কৰিবলৈ অনুৰোধ জনায়।