নিউজ ডেস্ক: ঘূৰ্ণিবতাহ ‘অশনি’য়ে অহা ৫ দিনত অসম তথা উত্তৰ-পূবত তীব্ৰ ৰূপ ধাৰণ কৰিব পাৰে। বতৰ বিজ্ঞান বিভাগে এই সময়ছোৱাত উত্তৰ-পূবৰ বিভন্ন স্থানত বিজুলী-ঢেৰেকনিৰে প্ৰচণ্ড বতাহ, বৰষুণ অহাৰ পূৰ্বানুমান কৰিছে।

এই তীব্ৰ ঘূৰ্ণিবতাহে ইতিমধ্যে ভাৰত মহাগৰৰ উত্তৰ দিশত আৰম্ভ হৈ এতিয়া দক্ষিণ-পূব বংগোপসাগৰ দিশে গতি কৰা দেখা গৈছে বুলি বতৰ বিজ্ঞান বিভাগে জানিবলৈ দিয়ে।

‘অশনি’য়ে ১১৮ৰ পৰা ২২০ কিঃমিঃ প্ৰতি ঘণ্টাৰ বেগত গতি কৰি পূব-মধ্য বংগোপসাগৰৰ ওপৰত যথেষ্ট শক্তিশালী ঘূৰ্ণিবতাহৰ ৰূপ লোৱাৰ সম্ভাৱনা আছে বুলি পূৰ্বানুমান কৰা হৈছে।

বতৰ বিজ্ঞান বিভাগৰ মতে ৯ মে’ৰ পৰা ১২ মে’ৰ ভিতৰত অৰুণাচল প্ৰদেশ, অসম, মেঘালয়, মিজোৰাম আৰু ত্ৰিপুৰাত ঠায়ে ঠায়ে ধাৰাসাৰ বৰষুণ পৰিব পাৰে।

৯ মে’ৰ বতৰৰ আগজাননী অনুসৰি অসম, মেঘালয়, নাগালেণ্ড, মণিপুৰ, মিজোৰাম, ত্ৰিপুৰা আৰু তামিলনাডুত ঠায়ে ঠায়ে প্ৰচণ্ড বৰষুণ পৰাৰ লগতে নাগালেণ্ড, মণিপুৰ, মিজোৰাম আৰু ত্ৰিপুৰাত ধুমুহা গাজনিৰে ধাৰাসাৰ বৰষুণ আহিব পাৰে।

লগতে পঢ়ক – ৰাষ্ট্ৰসংঘৰ সন্মিলনত ভাৰতক প্ৰতিনিধিত্ব কৰাৰ সুযোগ লাভ কৰিছে অসমৰ এইজন যুৱকে

Subscribe to EastMojo Assam

Enter your email address to receive notifications of new stories by email.

Join 6,465 other subscribers

Leave a comment

Leave a Reply Cancel reply