নিউজ ডেস্কঃ আমেৰিকাৰ প্ৰাক্তন ৰাষ্ট্ৰপতি ডনাল্ড ট্ৰাম্পে নিজেই ভাৰতীয় সময় অনুসৰি, মঙলবাৰে নিশা প্ৰায় ১১.৩০ বজাত আদালতৰ বাহিৰত আত্মসমৰ্পণ কৰে। তাৰ পিছত তেওঁক নিউয়ৰ্ক আৰক্ষীয়ে নিয়ম অনুসৰি নিজৰ জিন্মাত লয়। CNN ৰ প্ৰতিবেদন অনুসৰি, ট্ৰাম্পক আৰক্ষীয়ে এটা কোঠালৈ লৈ যোৱা হয় আৰু তেওঁৰ আঙুলিৰ ছাপ আৰু ফটো তোলা হৈছিল। ইয়াৰ পিছত, ট্ৰাম্পক আদালতত ন্যায়াধীশৰ সন্মুখত উপস্থাপন কৰা হয়।
৫৭ মিনিটত জোৰা ম্যানহাটান আদালতত চলা শুনানিত প্ৰাক্তন ৰাষ্ট্ৰপতি গৰাকীক কোনো জামিন বা কাৰাদণ্ড বা গ্ৰেপ্তাৰৰ ওপৰত ৰায় দিয়া হোৱা নাই। CNN ৰ প্ৰতিবেদন অনুসৰি, পৰৱৰ্তী শুনানি ৪ ডিচেম্বৰ দিনটো ধাৰ্য কৰিছে।
ম্যানহাটান আদালতে ট্ৰাম্পৰ বিৰুদ্ধে মঙলবাৰে ৩৪ টা অভিযোগত অভিযুক্ত কৰিছে। য’ত পৰ্ণষ্টাৰ ষ্টৰ্মি ডেনিয়েলছক ২০১৬ নিৰ্বাচনৰ আগমুহূৰ্তত টকা দি মুখ বন্ধ কৰোৱাৰ অভিযোগ আদালতত উপস্থাপন কৰা হৈছে।
আদালতত ট্ৰাম্পে কয় যে, তেওঁ কোনো অপৰাধ কৰা নাই। লগতে, তেওঁ কোনো ব্যৱসায়িক প্ৰৱঞ্চনা কৰা নাই বুলি আদালতত কয়।
শুনানিৰ পিছতেই ট্ৰাম্পে নিউয়ৰ্কৰ পৰা তেওঁৰ ফ্লৰিডাৰ ঘৰ মাৰ-এ-লাগোত উপস্থিত হৈ সংবাদ মাধ্যমৰ আগত ২৫ মিনিট জোৰা ভাষণত প্ৰদান কৰি তিনিটা মূল বিষয় উত্থাপন কৰে।
তেওঁ প্ৰথমতে কয় যে, “মই কেতিয়াও ভবা নাছিলো যে আমেৰিকাৰ ইতিহাসত এনেকুৱা কিবা ঘটিব। মই কৰা একমাত্ৰ অপৰাধটো হ’ল মোৰ দেশক ধ্বংস কৰিব বিচৰা সকলৰ পৰা নিৰ্ভয়ে ৰক্ষা কৰা”।
দ্বিতীয়তে তেওঁ কয় “আমাৰ দেশ নৰকত গৈ আছে। পৃথিৱীয়ে আমাক লৈ হাঁহি আছে। মোৰ বিৰুদ্ধে কোনো দৃঢ় প্ৰমাণ নাই। আইন বিশেষজ্ঞসকলে কয় যে এইতো ওপৰত কোনো গোচৰ তৈয়াৰ নহয়। ২০২৪ চনৰ নিৰ্বাচনত হস্তক্ষেপ কৰিবলৈ এটা ভুৱা গোচৰ সৃষ্টি কৰা হৈছে। ইয়াক তৎক্ষণাৎ খাৰিজ কৰিব লাগে”।
ইফালে ন্যায়াধীশ জুয়ান মাৰ্চেণ্টৰ জীয়ৰীৰ কথা উল্লেখ কৰি কয় যে, “মোক ঘৃণা কৰা এজন ন্যায়াধীশে বিচাৰ চলাইছে। বিচাৰকজনৰ পত্নী আৰু তেওঁৰ গোটেই পৰিয়ালে মোক ঘৃণা কৰে। বিচাৰকজনৰ জীয়েকে কমলা হেৰিছৰ বাবে কাম কৰে। ন্যায়াধীশে এই কামৰ বাবে বিডেন-হেৰিছৰ পৰা ধন লাভ কৰিছে”।
বিডেনৰ বাবে ট্ৰাম্পৰ ঘটনা ডাঙৰ সমস্যা নহয়: হোৱাইট হাউচ
ট্ৰাম্পৰ এনে বোৰ ঘটনাৰ পিছতেই হোৱাইট হাউছে প্ৰেছ চেক্ৰেটেৰী কেৰিন জিন-পিয়েৰে কয় যে, “ট্ৰাম্পৰ ওপৰত থকা গোচৰটোৱে নিশ্চিতভাৱে শিৰোনাম দখল কৰিব, কিন্তু বৰ্তমানৰ ৰাষ্ট্ৰপতি জো বিডেনৰ ইয়াৰ সৈতে কোনো সম্পৰ্ক নাই। আমি ইয়াৰ ওপৰত কোনো মন্তব্য নকৰো। আমাৰ বাবে মনোযোগ দিবলৈ একো নাই। ৰাষ্ট্ৰপতি বিডেনৰ গুৰুত্ব হৈছে আমেৰিকান লোকসকলক মুদ্ৰাস্ফীতিৰ পৰা সকাহ দিয়াৰ ওপৰত”।
আইনৰ আগত সকলো সমান। – এলভিন ব্ৰেগ
ডনাল্ড ট্ৰাম্প গোচৰৰ তদন্ত কৰা ম্যানহাটান জিলা এটৰ্নি এলভিন ব্ৰেগে কয়, “আমি গুৰুতৰ অপৰাধ স্বাভাৱিক কৰিব নোৱাৰো আৰু নকৰোঁ, আপুনি যিয়েই নহওঁক, আপোনাৰ বিৰুদ্ধে মোকৰ্দমা কৰা হ’ব। আমি নিশ্চিত কৰিম যে আইনৰ আগত সকলোৱে সমান”।
তেওঁৰ যৌন সম্পৰ্ক লুকুৱাবলৈ ধন পৰিশোধ কৰিছিল।
শুনানি চলি থকাৰ সময়ত আদালতে ভিডিঅ’গ্ৰাফী নিষিদ্ধ কৰে,
ট্ৰাম্পৰ অধিবক্তা সকলে তেওঁৰ আত্মসমৰ্পণৰ সময়ত আদালতত ভিডিঅ’ বা ফটোগ্ৰাফীৰ ওপৰত নিষেধাজ্ঞা বিচাৰিছিল। অধিবক্তা সকলে আদালতলৈ লিখা এখন পত্ৰত কৈছিল যে, ট্ৰাম্পৰ বিৰুদ্ধে অপৰাধমূলক গোচৰসন্দৰ্ভত দেশখনত ইতিমধ্যে চাৰ্কাছ সদৃশ পৰিৱেশ আছে। এনে পৰিস্থিতিত, আত্মসমৰ্পণৰ সংবাদ মাধ্যমৰ প্ৰচাৰে ইয়াক অধিক বেয়া কৰি তুলিব। ই আদালত কক্ষৰ মৰ্যাদা হ্ৰাস কৰিব।
এই অনুৰোধৰ পিছতেই শুনানি আৰম্ভ হোৱাৰ আগতে স্থিৰ ফটোগ্ৰাফাৰৰ পাঁচটা গোটক কেই মিনিট মানৰ বাবে ফটো তুলিবলৈ অনুমতি দিয়া হয়। এই সন্দৰ্ভত ন্যায়াধীশ মাৰ্চেণ্টে কৈছিল – আমেৰিকাত প্ৰথমবাৰৰ বাবে এজন প্ৰাক্তন ৰাষ্ট্ৰপতিৰ ওপৰত অপৰাধমূলক অভিযোগ আৰোপ কৰা হৈছে। এনে পৰিস্থিতিত, আমি কোনো বিবাদৰ আশংকা ল’ব নোৱাৰো। সেয়েহে, আদালতৰ কোঠাত কোনো ইলেক্ট্ৰনিক ডিভাইচৰ অনুমতি দিয়া নহ’ব।
ট্ৰাম্প হৈছে অপৰাধমূলক অভিযোগৰ সন্মুখীন হোৱা প্ৰথম প্ৰাক্তন আমেৰিকা যুক্তৰাষ্ট্ৰৰ ৰাষ্ট্ৰপতি,
উল্লখযোগ্য যে, আমেৰিকাৰ ২৩৪ বছৰীয়া ইতিহাসত প্ৰথমবাৰৰ বাবে এজন প্ৰাক্তন ৰাষ্ট্ৰপতিয়ে অপৰাধমূলক গোচৰৰ সন্মুখীন হৈছে। ট্ৰাম্পৰ বিৰুদ্ধে ২০১৬ চনৰ ৰাষ্ট্ৰপতি নিৰ্বাচনৰ প্ৰচাৰৰ সময়ত পৰ্ণষ্টাৰ ষ্টৰ্মি ডেনিয়েলছৰ সৈতে তেওঁৰ যৌন সম্পৰ্ক লুকুৱাবলৈ ধন পৰিশোধ কৰাৰ অভিযোগ আছে। ইয়াৰ বাবে, তেওঁলোকে নিৰ্বাচনী বাবে খৰচ কৰা ধনৰ তথ্য মিছা কৈ দাখিল কৰিছিল। আইনী ভাষাত, ইয়াক ব্যৱসায়িক প্ৰৱঞ্চনা বুলি কোৱা হৈছে।
লগতে পঢ়ক – আয়ুস মন্ত্ৰালয়ৰ উদ্যোগত ডিব্ৰুগড় বিশ্ববিদ্যালয়ত যোগ মহোৎসৱৰ আয়োজন