আজি আন্তঃৰাষ্ট্ৰীয় ড্ৰাগছ বিৰোধী দিৱস। ড্ৰাগছ সেৱনৰ ফলত সৃষ্টি হোৱা গুৰুতৰ সমস্যাসমূহৰ বিষয়ে সমগ্ৰ বিশ্বতে সজাগতা সৃষ্টিৰ উদ্দেশ্যে প্ৰতি বছৰে ২৬ জুন তাৰিখটো আন্তঃৰাষ্ট্ৰীয় ড্ৰাগছ বিৰোধী দিৱস পালন কৰা হয়।

এই দিসৱৰ লক্ষ্য হৈছে ড্ৰাগছৰ অপব্যৱহাৰৰ পৰা বিশ্বক মুক্ত কৰাৰ লক্ষ্যত উপনীত হ’বলৈ কাৰ্য্য আৰু সহযোগিতা শক্তিশালী কৰা।

ইতিহাস

ৰাষ্ট্ৰসংঘৰ সাধাৰণ পৰিষদে ১৯৮৭ চনৰ ৭ ডিচেম্বৰত ২৬ জুন তাৰিখটো আন্তঃৰাষ্ট্ৰীয় ড্ৰাগছ অপব্যৱহাৰ আৰু অবৈধ সৰবৰাহ বিৰোধী দিৱস হিচাপে ঘোষণা কৰিছিল।

বিষয়বস্তু

২০২২ বৰ্ষৰ ড্ৰাগছ বিৰোধী দিৱসৰ বিষয়বস্তু হৈছে – “স্বাস্থ্য আৰু মানৱীয় সংকটত ড্ৰাগছৰ প্ৰত্যাহ্বানসমূহ মোকাবিলা কৰা।”

ইয়াৰ দ্বাৰা বিশ্বই সন্মুখীন হোৱা বিভিন্ন প্ৰত্যাহ্বানসমূহৰ সমাধান কৰা আৰু ড্ৰাগছৰ অপব্যৱহাৰৰ পৰা মুক্ত এখন পৃথিৱী গঢ়ি তোলাৰ বাবে পদক্ষেপ গ্ৰহণৰ চেষ্টা কৰা।

তাৎপৰ্য্য

এই দিৱসৰ লক্ষ্য হৈছে ড্ৰাগছ সেৱনৰ ক্ষতিকাৰক প্ৰভাৱৰ বিষয়ে অধিক সজাগতা প্ৰচাৰ কৰা। তদুপৰি যুৱক-যুৱতীসকলৰ মাজত দায়িত্ববোধ জগাই তোলাৰ কথাও আছে যাতে তেওঁলোক ড্ৰাগছৰ বলি নহয়।

বিদ্যালয়-মহাবিদ্যালয়ত বিভিন্ন অনুষ্ঠানৰ আয়োজন কৰি ছাত্ৰ-ছাত্ৰীসকলক শিক্ষিত কৰাৰ লগতে ড্ৰাগছ সেৱনৰ বিপদৰ বিষয়ে অৱগত কৰা হয়।

ইউএনঅ’ডিচিৰ ৱেবছাইটত কোৱা হৈছে যে বিশ্বব্যাপী ড্ৰাগছৰ সমস্যা সমাধানত অৰিহণা যোগাবলৈ ঔষধৰ পৰিস্থিতিৰ ওপৰত প্ৰকৃত তথ্য ভাগ-বতৰা কৰি ইয়াৰ স্বাস্থ্যজনিত বিপদকে ধৰি আপুনি আন্দোলনত নিজৰ অংশ পালন কৰিব পাৰে।

Subscribe to EastMojo Assam

Enter your email address to receive notifications of new stories by email.

Join 6,478 other subscribers

Leave a comment

Leave a Reply Cancel reply