নিউজ ডেস্কঃ চলিত বৰ্ষৰ ২৬ জানুৱাৰীত নেপালৰ পোখৰাত অৱস্থিত শালীগ্ৰামী নদীৰ পৰা দুটুকুৰা বিশাল শিলাখণ্ড ৰাম মন্দিৰৰ ৰাম আৰু সীতাৰ মূৰ্তি নিৰ্মাণৰ বাবে অযোধ্যালৈ প্ৰেৰণ কৰা হৈছে । বিশেষজ্ঞৰ দাবী অনুসৰি এই শিলাখণ্ড প্ৰায় ৬ কোটি বছৰ পুৰণি বুলি জানিব পৰা গৈছে।
শিলাখণ্ডটোৰ এটাৰ ওজন প্ৰায় ২৬ টন আৰু আন টুকুৰাৰ ওজন প্ৰায় ১৮ টন বুলি জানিব পৰা গৈছে । এই বিশাল শিলাখণ্ড দুটা অযোধ্যা লৈ ২ ফেব্ৰুৱাৰীত আহি পোৱাৰ সম্ভাৱনা আছে বুলি ৰাম মন্দিৰৰ নিৰ্মাণত কৰ্মৰত ব্যক্তিৰ পৰা জানিব পৰা গৈছে।
উল্লেখযোগ্য যে,নেপালৰ শালিগ্ৰামী নদীৰূপে পৰিচিত নৈখন ভাৰতত প্ৰৱেশ কৰাৰ পিছতে নাৰায়ণী নদী ৰূপে জনাজাত । ভাৰতলৈ অহাৰ পথত এই দুই বিশাল শিলাখণ্ডৰ লগত প্ৰায় এশজনৰো ওপৰত ব্যক্তিয়ে যাত্ৰা কৰা বুলি জানিব পৰা গৈছে।