নিউজ ডেস্ক – তিনিদিনীয়া চৰকাৰী ভ্ৰমণসূচীৰে কালি ইৰান আৰু ইউ এ ইলৈ ৰাওনা হৈছে কেন্দ্ৰীয় বন্দৰ, জাহাজ পৰিবহণ আৰু জলপথ তথা আয়ুষ মন্ত্ৰী সৰ্বানন্দ সোণোৱাল৷ এই ভ্ৰমণকালত সোণোৱালে ইৰানৰ চাবাহাৰৰ শ্বহীদ বেহেস্তী বন্দৰ আৰু ইউ এ ইৰ জেবেল আলী বন্দৰ পৰিদৰ্শন কৰিব৷

উল্লেখ্য যে চাবাহাৰ বন্দৰ হৈছে ভাৰতৰ প্ৰথমটো বিদেশী বন্দৰ প্ৰকল্প৷ বন্দৰটোৰ সৈতে ভাৰতৰ বাণিজ্যিক ক্ষেত্ৰখনৰ বহুতো গুৰুত্বপূৰ্ণ দিশ জড়িত হৈ আছে৷ প্ৰণিধানযোগ্য যে কভিড-১৯ মহামাৰীৰ পাছত ভাৰত আৰু ইৰাণৰ মাজত বাণিজ্যিক সম্পৰ্কীয় মাত্ৰ কেইখনমান বৈঠকহে অনুষ্ঠিত হৈছে৷

মহামাৰীৰ ফলত, ভাৰত আৰু ইৰাণৰ মাজত ভ্ৰমণৰ সংখ্যা কম আছিল। মন্ত্ৰীৰ ভ্ৰমণে দুয়োখন দেশৰ মাজৰ সম্পৰ্ক আৰু সামুদ্ৰিক সম্পৰ্ক শক্তিশালী কৰিব। এই ভ্ৰমণে ইউৰোপ, ৰাছিয়া আৰু চিআইএছ দেশসমূহৰ সৈতে ভাৰতীয় বাণিজ্যৰ প্ৰৱেশদ্বাৰ হিচাপে চাবাহাৰৰ গুৰুত্বৰ ওপৰতো আলোকপাত কৰিব। মাননীয় মন্ত্ৰীগৰাকীয়ে ইছলামিক গণৰাজ্য ইৰাণৰ পথ আৰু নগৰ উন্নয়ন আৰু স্বাস্থ্য আৰু চিকিৎসা শিক্ষা মন্ত্ৰীসকলৰ সৈতে দ্বিপাক্ষিক বৈঠকত অংশগ্ৰহণ কৰিব।

এই ভ্ৰমণকালত ভাৰত চৰকাৰ আৰু ইৰাণ চৰকাৰৰ মাজত সীমাহীন ভ্ৰমণৰ বাবে নাবিকসকলৰ দক্ষতাৰ প্ৰমাণপত্ৰৰ পাৰস্পৰিক স্বীকৃতি সম্পৰ্কীয় বুজাবুজি চুক্তি স্বাক্ষৰ কৰাৰ প্ৰস্তাৱো লোৱা হৈছে।

মন্ত্ৰীগৰাকীয়ে তেহৰাণত চিআইএছ দেশসমূহৰ ৰাষ্ট্ৰদূতসকলকো সাক্ষাৎ কৰিব। শ্ৰী সৰ্বানন্দ সোণোৱালে ইউএইৰ জেবেল আলী বন্দৰভ্ৰমণ কৰিব আৰু ভ্ৰমণৰ সময়ত মণ্ডপ ভাগ বতৰা কৰিব। তেওঁ ইউ.এ.ই.-ত জাহাজ/মালবাহী কোম্পানীৰ মুৰব্বীসকলৰ সৈতে এক ঘূৰণীয়া মেজমেলতো অংশগ্ৰহণ কৰিব।

এনে পৰিস্থিতিত কেন্দ্ৰীয় মন্ত্ৰী সোণোৱালৰ এই ভ্ৰমণে দুয়োখন ৰাষ্ট্ৰৰ মাজত দ্বিপাক্ষিক আৰু সামুদ্ৰিক সম্পৰ্ক অধিক শক্তিশালী কৰিব বুলি আশা কৰা হৈছে৷ কেন্দ্ৰীয় মন্ত্ৰী সোণোৱালে  ইৰান চৰকাৰৰ পথ আৰু নগৰ উন্নয়নৰ লগতে¸ স্বাস্থ্য, চিকিৎসা আৰু শিক্ষা মন্ত্ৰীৰ সৈতেও বৈঠকত মিলিত হ’ব৷

এই ভ্ৰমণ কালত ভাৰত চৰকাৰ আৰু ইৰান চৰকাৰৰ মাজত নাবিকৰ দক্ষতা  সম্পৰ্কীয় এখন বুজাবুজিৰ চুক্তিও স্বাক্ষৰিত হোৱাৰ সম্ভাৱনা আছে৷ কেন্দ্ৰীয় মন্ত্ৰীজনে তেহৰানস্থিত চি আই এছ দেশসমূহৰ ৰাষ্ট্ৰদূতসকলকো সাক্ষাৎ কৰিব৷ ইয়াৰ উপৰি তেওঁ  ইউ এ ইৰ জেবেল আলী বন্দৰ ভ্ৰমণ কৰাৰ লগতেপ্ৰৱাসী ভাৰতীয়সকলৰ সৈতেও বৈঠকত মিলিত হোৱাৰ কথা আছে৷

Subscribe to EastMojo Assam

Enter your email address to receive notifications of new stories by email.

Join 6,475 other subscribers

Leave a comment

Leave a Reply Cancel reply