নিউজ ডেস্কঃ পুনৰ টোলগেটৰ মাচুল বৃদ্ধি কৰিবলৈ সাজু হৈছে কেন্দ্ৰ চৰকাৰে। ইতিমধ্যে নীতি-নিৰ্দেশনা প্ৰস্তুত কৰিছে ৰাষ্ট্ৰীয় ঘাইপথ প্ৰাধিকৰণে। ৰাষ্ট্ৰীয় ঘাইপথ প্ৰাধিকৰণৰ এক উচ্চস্তৰীয় সূত্ৰই জানিবলৈ দিয়া অনুসৰি অহা এপ্ৰিলৰ মাহৰ পৰা টোলগেটৰ মাচুল ৫ পৰা ১০ শতাংশ পৰ্যন্ত বৃদ্ধিৰ বাবে সিদ্ধান্ত গ্ৰহণ কৰা হৈছে।

সূ্ত্ৰটোৱে জানিবলৈ দিয়া অনুসৰি, ৪ চকীয়া আৰু লঘু বাহনৰ ক্ষেত্ৰত ৫ শতাংশ কৰ বৃদ্ধি আৰু গধুৰ বাহনৰ ক্ষেত্ৰত ১০ শতাংশ কৰ বৃদ্ধিৰ পৰিকল্পনা কৰা হৈছে বুলি জানিব পৰা গৈছে।

২০২২ চনত টোলগেটৰ মাচুল ১০ ৰ পৰা ১৫ শতাংশৰ ভিতৰত বৃদ্ধি কৰা হৈছিল, যাৰ ফলত টোলগেটৰ মাচুল ১০ টকাৰ পৰা ৬০ টকালৈ বৃদ্ধি হৈছিল ।

তথ্য অনুসৰি, ২০২১-২২ বিত্তীয় বৰ্ষৰ ৰাষ্ট্ৰীয় ঘাইপথসমূহত সংগ্ৰহ কৰা টোল কৰৰ পৰিমান আছিল ৩৩,৮৮১.২২ কোটি টকা ।

উল্লেখযোগ্য যে, কেন্দ্ৰইয়ে টোলগেটৰ মাচুল প্ৰত্যেক বছৰে কেৱল বৃদ্ধিহ কৰিছে। বৰ্তমানও এনে বহু ৰাষ্ট্ৰীয় ঘাইপথ আছে য’ত এতিয়াও পথৰ অৱস্থা একেবাৰে শুচনীয়। অসমৰ ৰাষ্ট্ৰীয় ঘাইপথৰ একেই দুৰাৱস্থা।

Subscribe to EastMojo Assam

Enter your email address to receive notifications of new stories by email.

Join 7,218 other subscribers

Leave a comment

Leave a Reply