নিউজ ডেস্কঃ অৰুণাচলপ্ৰদেশৰ তিনিখন জিলাৰ লগতে নগালেণ্ডৰ ৯খন জিলাত AFSPA অৰ্থাৎ সশস্ত্ৰ বাহিনীৰ বিশেষ ক্ষমতা আইন ৬ মাহৰ বাবে বৃদ্ধি কৰা হৈছে।
কেন্দ্ৰৰ তৰফৰ পৰা সিদ্ধান্ত গ্ৰহণৰ পাছতে চলিত বৰ্ষৰ ১ অক্টোবৰৰ পৰা কাৰ্যকৰী হোৱাকৈ জিলা কেইখনত এই আইন বৃদ্ধি কৰা হয়।
গৃহ মন্ত্ৰালয়ে জাৰি কৰা এক অধিসূচনা অনুসৰি AFSPA বৃদ্ধিৰ সিদ্ধান্ত গ্ৰহণ কৰা অৰুণাচল প্ৰদেশৰ তিনিখন জিলা ক্ৰমে- টিৰাপ, চাংলাং আৰু লংডিং। উল্লেখ্য যে, ২০২৩ চনৰ ৩০ মাৰ্চলৈকে এই আইন বলবৎ থাকিব।
ইতিমধ্যে অসমত AFSPA প্ৰত্যাহাৰ কৰা হৈছে যদিও উত্তৰ-পূৰ্বাঞ্চলৰ অধিকাংশ ৰাজ্যতে এই আইন বলবৎ হৈ আছে।
ইফালে, সশস্ত্ৰ বাহিনীক বিশেষ ক্ষমতা প্ৰদান কৰা এই আইন বাতিলৰ বাবে দীৰ্ঘদিন ধৰি দাবী জনাই আহিছে প্ৰতিবাদকাৰীসকলে।