নিউজ ডেস্কঃ ত্ৰিপুৰাত উপস্থিত হৈছে কেন্দ্ৰীয় গৃহমন্ত্ৰী অমিত শ্বাহ। বিজেপিৰ ৰথ যাত্ৰাৰ আনুষ্ঠানিক নিৰ্বাচনী প্ৰচাৰৰ লক্ষ্যৰে ৰাজ্যখনত উপস্থিত হৈছে কেন্দ্ৰীয় গৃহ মন্ত্ৰীগৰাকী। 

আগৰতলাৰ মহাৰাজা বীৰ বিক্ৰম বিমানবন্দৰত গৃহমন্ত্ৰী অমিত শ্বাহক আদৰণি মুখ্যমন্ত্ৰী ড০ মাণিক সাহা, উপ-মুখ্যমন্ত্ৰী জিষ্ণু দেবৰ্মা, প্ৰাক্তন মুখ্যমন্ত্ৰী বিপ্লৱ কুমাৰ দেৱ আৰু কেন্দ্ৰীয় ৰাজ্যিক মন্ত্ৰী প্ৰতিমা ভৌমিকৰ।

বৃহস্পতিবাৰে কেন্দ্ৰীয় গৃহমন্ত্ৰী শ্বাহে ‘ৰথ যাত্ৰা’ৰ আনুষ্ঠানিক নিৰ্বাচনী প্ৰচাৰৰ ফ্লেগ অফ কৰে। ইফালে, ত্ৰিপুৰাৰ মুখ্যমন্ত্ৰী ড০ মাণিক সাহাই জনোৱা অনুসৰি, গৃহমন্ত্ৰীগৰাকীয়ে বিজেপিৰ নিৰ্বাচনী প্ৰচাৰৰ অংশ হিচাপে শ্বাহে দুখনকৈ ৰথ যাত্ৰাৰ ফ্লেগ অফ কৰে। 

ত্ৰিপুৰাৰ ধৰ্ম নগৰৰ পৰা এখন ৰথ যাত্ৰা আৰম্ভ হোৱাৰ বিপৰীতে দক্ষিণ জিলা ছাব্ৰুমৰ পৰা আন এখন ৰথ যাত্ৰা আৰম্ভ হয়। উল্লেখ্য যে, ২০২৩ বৰ্ষত ত্ৰিপুৰাত অনুষ্ঠিত হ’ব বিধানসভ‍া নিৰ্বাচন। 

ইয়াৰ পূৰ্বে আজিৰে পৰা ত্ৰিপুৰাত কেন্দ্ৰীয় শাসনাধিষ্ঠ দল বিজেপিয়ে অনুষ্ঠিত কৰিছে ৰথ যাত্ৰাৰ। কেন্দ্ৰীয় মন্ত্ৰীগৰাকীৰ পতাকা উত্তোলনেৰে আৰম্ভ হোৱা এই যাত্ৰাৰ পিছতেই মন্ত্ৰীগৰাকীয়ে দক্ষিণ ত্ৰিপুৰাত অংশগ্ৰহণ কৰে এক শোভাযাত্ৰাত।

Subscribe to EastMojo Assam

Enter your email address to receive notifications of new stories by email.

Join 6,740 other subscribers

Leave a comment

Leave a Reply Cancel reply