নিউজ ডেস্কঃ উত্তৰ-পূৰ্বৰ উন্নয়নৰ কেন্দ্ৰীয় চৰকাৰে প্ৰতি বৰ্ষতে ব্যয় কৰি আহিছে কোটি কোটি টকা। উত্তৰ-পূৰ্বৰ ৰাজ্য কেইখনৰ উন্নয়নৰ বাবে কেন্দ্ৰয়ে সৰ্বাধিক গুৰুত্ব দিয়াৰ কথাও আজি লোকসভাত এক প্ৰশ্নৰ লিখিত উত্তৰত উত্তৰ-পূব অঞ্চল উন্নয়ন মন্ত্ৰী জি কিষাণ ৰেড্ডীয়ে এই কথা সাদৰি কৰে।
লগতে তেওঁ কয় যে, উত্তৰ-পূৰ্বৰ উন্নয়নৰ বাবেই কেন্দ্ৰীয় চৰকাৰে ২০১৪-১৫ চনৰ পৰা ৩১ ডিচেম্বৰ, ২০২২ লৈকে সৰ্বমুঠ ৩,৮৪,৫৬১.৬১ কোটি টকা ব্যয় কৰিছে।
ৰেড্ডীয়ে লগতে তথ্য প্ৰদান কৰে যে, ২০১৪-১৫ চনত ২৪,৮১৯.১৮ কোটি , ২০১৫-১৬ বৰ্ষত ২৮,৬৭৩.৭৩ কোটি, ২০১৬-১৭ বৰ্ষত ২৯,৩৯৭.৯ কোটি, ২০১৭-১৮ বৰ্ষত ৩৯,৭৫৩.৪৪ কোটি, ২০১৮-১৯ বৰ্ষত ৪৬,০৫৪.৮০ কোটি, ২০১৯-২০ বৰ্ষত ৪৮,৫৩৩.৮০ কোটি, ২০২০-২১ বৰ্ষত ৪৮,৫৬৩.৮২ কোটি, ২০২১-২২ বৰ্ষত ৭০,৮৭৪.৩২ কোটি আৰু ২০২২-২৩ বৰ্ষৰ ৩১.১২.২০২২ ৰ লৈকে ৪৭,৯২০ কোটি টকা কেন্দ্ৰীয় চৰকাৰে উত্তৰ-পূৰ্বৰ উন্নয়নৰ বাবে ব্যয় কৰিছে।
উল্লেখযোগ্য যে, মুঠ ৫৫ টা ৰেহাই বিহীন কেন্দ্ৰীয় মন্ত্ৰালয়ে ধাৰ্য কৰা প্ৰত্যেক বৰ্ষৰ মুঠ বাজেটীয় সমৰ্থনৰ (জিবিএছ) কমেও ১০% উত্তৰ-পূব অঞ্চলত কেন্দ্ৰীয় খণ্ড আৰু কেন্দ্ৰীয় পৃষ্ঠপোষকতা ত ব্যয় কৰাৰ বাবে বাধ্যতামূলক কৰা হৈছে। যাৰ বাবে কেন্দ্ৰীয় বিভাগ তথা মন্ত্ৰালয়ে সমূহে প্ৰস্তুত কৰা আঁচনি সমূহ উত্তৰ-পূৰ্বত অঞ্চলত বাস কৰা লোকৰ কাষ চাপিছে।
লগতে পঢ়ক – সমষ্টি পুনৰ গঠনক লৈ অসমলৈ আহিব দেশৰ মুখ্য নির্বাচন আয়ুক্ত