নিউজ ডেস্ক: প্ৰধানমন্ত্ৰী নৰেন্দ্ৰ মোডীক সোমবাৰে ফিজিৰ সৰ্বোচ্চ সন্মান প্ৰদান কৰে ফিজিৰ প্ৰধানমন্ত্ৰী ছিটিভেনি ৰাবুকাই তেওঁৰ বিশ্ব নেতৃত্বৰ স্বীকৃতি স্বৰূপে । যিটো এজন অফিজিয়ানৰ বাবে এক বিৰল সন্মান।
দ্বিপাক্ষিক সম্পৰ্ক বৃদ্ধিৰ বাবে ভাৰত আৰু প্ৰশান্ত মহাসাগৰীয় ১৪খন দ্বীপ দেশৰ মাজত এক গুৰুত্বপূৰ্ণ শীৰ্ষ সন্মিলন আয়োজন কৰিবলৈ প্ৰথম ভ্ৰমণৰ দিনা দেওবাৰে পাপুয়া নিউগিনিত উপস্থিত হয় মোডী।
প্ৰধানমন্ত্ৰীৰ কাৰ্যালয়ে টুইট কৰি কয় যে
“ভাৰতৰ বাবে ডাঙৰ সন্মান। প্ৰধানমন্ত্ৰী মোডীক তেওঁৰ বিশ্বব্যাপী নেতৃত্বৰ স্বীকৃতি স্বৰূপে ফিজিৰ প্ৰধানমন্ত্ৰী: কম্পেনিয়ন অৱ দ্য অৰ্ডাৰ অৱ ফিজিয়ে ফিজিৰ সৰ্বোচ্চ সন্মান প্ৰদান কৰিছে। আজিলৈকে মাত্ৰ মুষ্টিমেয় অ-ফিজিয়েহে এই সন্মান লাভ কৰিছে।’
প্ৰধানমন্ত্ৰী মোদীয়ে টুইট কৰি কয় যে ‘ফিজিৰ পিএম ছিটিভেনি ৰাবুকাক লগ পাই আনন্দিত হৈছো। বিভিন্ন বিষয়ত আমাৰ মাজত এক সুন্দৰ কথা-বতৰা হৈছিল। ভাৰত আৰু ফিজিৰ সম্পৰ্কই সময়ৰ পৰীক্ষাত থিয় দিছে। আমি আগন্তুক বছৰবোৰত ইয়াক আৰু অধিক মজবুত কৰাৰ বাবে একেলগে কাম কৰিবলৈ আগ্ৰহী।’
বৈদেশিক পৰিক্ৰমা মন্ত্ৰালয়ে টুইটাৰযোগে প্ৰকাশ কৰা খবৰ অনুসৰি প্ৰধানমন্ত্ৰী মোডীয়ে ভাৰতৰ জনসাধাৰণৰ লগতে ফিজি-ভাৰতীয় সম্প্ৰদায়ৰ প্ৰজন্মৰ প্ৰতি এই সন্মান উৎসৰ্গা কৰে, যিসকলে দুয়োখন দেশৰ মাজত বিশেষ আৰু চিৰস্থায়ী বন্ধনত গুৰুত্বপূৰ্ণ ভূমিকা পালন কৰিছে।