নিউজ ডেস্ক– ৰাজ্য চৰকাৰে চাহ বাগিচা কৰ্তৃপক্ষৰ দ্বাৰা পৰিচালিত ৪১৯ খন নিম্ন প্ৰাথমিক বিদ্যালয়, ২ খন উচ্চ প্ৰাথমিক বিদ্যালয় আৰু ১ খন হাইস্কুল প্ৰাদেশিকীকৰণ কৰাৰ সিদ্ধান্তত অনুমোদন জনায়।
আনহাতে, ৪১৯ খন নিম্ন প্ৰাথমিক বিদ্যালয়ৰ প্ৰত্যেক খনতেই ২গৰাকীকৈ শিক্ষক পদ, ২খন এম ই স্কুলৰ বাবে ৩গৰাকীকৈ শিক্ষকৰ পদত আৰু হাইস্কুলৰ বাবে ৫গৰাকী শিক্ষকৰ লগতে এগৰাকী প্ৰধান শিক্ষকৰ পদ সৃষ্টি কৰি এই পদসমূহ নিয়মীয়াকৰণ কৰা হৈছে।
প্ৰাদেশিকীকৰণ কৰা এইসমূহ বিদ্যালয়সমূহত ছাত্ৰ-ছাত্ৰীসকলৰ বাবে বিনামূলীয়া নামভৰ্তিৰ লগতে বিনামূলীয়াকৈ পাঠ্যপুথি প্ৰদান কৰা হ’ব আৰু PM POSHANৰ আধাৰত মধ্যাহ্ন ভোজনৰ ব্যৱস্থাও কৰা হ’ব।