গুৱাহাটী : ভাৰতীয় উদ্যোগ পৰিষদৰ যুৱ শাখা ইয়ং ইণ্ডিয়ান গুৱাহাটী অধ্যায়, বিশ্ব পৰিৱেশ দিৱস ২০২২ উপলক্ষে ছেবাৰ সহযোগত দ্বিতীয় অসম ভিত্তিক ইয়ং এচিভাৰ কুইজ প্ৰতিযোগিতা অনুষ্ঠিত কৰে। এই বছৰৰ প্ৰতিযোগিতাৰ বিষয়বস্তু আছিল ‘আপোনাৰ আইকিউ কিমান সেউজীয়া ?’ প্ৰতিযোগিতাখন অনলাইন  অনুষ্ঠিত হৈছিল য’ত সমগ্ৰ অসমৰ ৮ ম পৰা ১০ ম শ্ৰেণীৰ বিদ্যালয়ৰ শিক্ষাৰ্থীসকলে অংশগ্ৰহণ কৰিছিল। অমৃত দেওৰা, অধ্যক্ষ, ইয়ং ইণ্ডিয়ান গুৱাহাটী অধ্যায়, অনুষ্ঠানটোত সকলো বিশিষ্ট ব্যক্তিক আদৰণি জনাই উল্লেখ কৰে, “কুইজৰ উদ্দেশ্য হৈছে জলবায়ু পৰিৱৰ্তন সম্পৰ্কে শিশুসকলৰ মাজত সজাগতা সৃষ্টি কৰা আৰু তেওঁলোকক পৰিৱেশ সম্পৰ্কে সচেতন কৰা। কুইজটো একেটা বিষয়ৰ ওপৰত গুৰুত্ব আৰোপ কৰা হৈছে য’ত বহনক্ষম জলবায়ু প্ৰচেষ্টাৰ ওপৰত গুৰুত্ব দিয়া হৈছে যাক শিশুসকলৰ মাজত বিকশিত কৰিব পাৰি।”

অধ্যাপক ড০ ননী গোপাল মহন্ত, অসম চৰকাৰৰ উপদেষ্টা, শিক্ষা বিভাগ, অনুষ্ঠানটোত মুখ্য অতিথি হিচাপে উপস্থিত থাকি কয়, “এই সহযোগিতাৰ বাবে মই ছেবা, ইয়ং ইণ্ডিয়ান গুৱাহাটী অধ্যায় আৰু ভাৰতীয় উদ্যোগ পৰিষদক ধন্যবাদ জনাইছো। এনে ধৰণৰ প্ৰতিযোগিতা সূক্ষ্ম পৰ্যায়ত অনুষ্ঠিত কৰিব লাগিব আৰু ইয়াক অসমীয়া মাধ্যমৰ প্ৰতিষ্ঠানসমূহলৈও সম্প্ৰসাৰিত কৰিব লাগিব। পৰিৱেশ দিৱস এদিনত উদযাপন কৰিব নোৱাৰি। পৰিৱেশ সংৰক্ষণৰ বাবে আমি আমাৰ শিক্ষাৰ্থীসকলৰ মাজত সজাগতা সৃষ্টি কৰিব লাগিব।”   অধ্যাপক ড০ ননী গোপাল মহন্তই বিজয়ীসকলৰ নাম ঘোষণা কৰিছিল। বৰপেটাৰ পৰা বাডছ একাডেমীৰ হালিমা আহমেদে প্ৰথম পুৰস্কাৰ লাভ কৰিছিল, ৭২ পইণ্ট অৰ্জন কৰি আৰু ১০,০০০ টকাৰে পুৰস্কৃত কৰা হৈছিল। ডন বস্কো হাই স্কুলৰ বিকাশ চুটে ৫৪ পইণ্টৰ সৈতে দ্বিতীয় পুৰস্কাৰ লাভ কৰে। তেওঁক ৬,০০০ টকা প্ৰদান কৰা হৈছিল। তৃতীয় স্থানটো কামৰূপৰ ৰয়েল গ্লোবেল স্কুলৰ ভৱিক বনচাল আৰু চাবুৱাৰ মণ্টফৰ্ট স্কুলৰ দেৱাশীষ শৰ্মাই যুটীয়াভাৱে লাভ কৰিছিল। তেওঁলোক দুয়োজনে ৪৮ পইণ্ট অৰ্জন কৰিছিল আৰু ৩,০০০ টকাৰে পুৰস্কৃত কৰা হৈছিল।  

লগতে পঢ়ক –  লখিমপুৰ মেডিকেল কলেজত প্ৰসূতীৰ মৃত্যু, নিলম্বন চিকিৎসক ত্ৰিনয়ন মিলিক

অনুষ্ঠানটোত উপস্থিত সকলক সম্বোধন কৰি অধ্যাপক ড০ ৰমেশ চি জৈনে কয়, ” ইয়ং ইণ্ডিয়ান   আৰু চিআইআইৰ সৈতে সম্পৰ্ক স্থাপন কৰি মই কৃতজ্ঞ। ছেবা য়ে তেওঁলোকৰ সৈতে সহযোগিতা কৰাৰ বাবে এইটো দ্বিতীয় বছৰ, মই আশা কৰো যে এই সংস্থাটো বহুদূৰ আগুৱাই যlব।” তেওঁ প্ৰতিযোগিতাখন পৰিচালনা কৰাৰ বাবে নেক্সাছ কনচাল্টিংৰ মুখ্য কাৰ্যবাহী বিষয়া কুইজ মাষ্টাৰ ভেঙ্কি শ্ৰীনিবাসনকো ধন্যবাদ জ্ঞাপন কৰে। কামৰূপ আৰু বৰপেটা জিলাৰ পৰা সৰ্বাধিক সংখ্যক পঞ্জীয়নৰ সৈতে প্ৰতিযোগিতাখনৰ দ্বিতীয় সংস্কৰণত অংশগ্ৰহণ কৰিবলৈ মুঠ ৩৮৮০ জন শিক্ষাৰ্থীয়ে অনলাইন পঞ্জীয়ন কৰিছিল। শীৰ্ষ ১০ জন অংশগ্ৰহণকাৰীয়ে পিছত ফাইনেলৰ বাবে যোগ্যতা অৰ্জন কৰিছিল। আন শীৰ্ষ ১০ জন ফাইনেলিষ্টে প্ৰতিজনে ১০০০ টকা লাভ কৰিছিল। অধ্যাপক ড.  ৰাকেশ চি. জৈন, আই.এ.এছ., (অৱসৰ), মাধ্যমিক শিক্ষা পৰিষদৰ (ছেবা) অধ্যক্ষ; ড০ অৰূপ কুমাৰ মিশ্ৰ, ৰাজ্যিক প্ৰদূষণ নিয়ন্ত্ৰণ ব’ৰ্ড, অসমৰ অধ্যক্ষ; এই অনুষ্ঠানত অসম উচ্চতৰ মাধ্যমিক শিক্ষা বিভাগৰ অধ্যক্ষ শ্ৰীযুত ৰুক্ম গোহাঁই বৰুৱাৰ লগতে  ইয়ং ইণ্ডিয়ান  গুৱাহাটী অধ্যায়ৰ সদস্য আৰু অন্যান্য প্ৰতিনিধিসকল উপস্থিত থাকে।

Subscribe to EastMojo Assam

Enter your email address to receive notifications of new stories by email.

Join 6,578 other subscribers

Leave a comment

Leave a Reply Cancel reply