নিউজ ডেস্কঃ ভিয়েটনামৰ ৰাষ্ট্ৰীয় প্ৰতিৰক্ষা মন্ত্ৰী জেনেৰেল ফেন ভান জিয়াঙে ১৮ জুনৰ ৰ পৰা ১৯ জুনলৈ ভাৰত ভ্ৰমণ কৰিব। ভাৰত-ভিয়েটনাম প্ৰতিৰক্ষা সহযোগিতাক আগুৱাই নিয়াৰ বাবে ভ্ৰমণকাৰী বিশিষ্ট ব্যক্তিসকলে ১৯ জুনত নতুন দিল্লীত প্ৰতিৰক্ষা মন্ত্ৰী ৰাজনাথ সিঙৰ সৈতে দ্বিপাক্ষিক বৈঠকত মিলিত হ’ব। দুয়োপক্ষই পাৰস্পৰিক স্বাৰ্থৰ আঞ্চলিক আৰু গোলকীয় বিষয়ত মত বিনিময় কৰিব। ভিয়েটনামৰ ৰাষ্ট্ৰীয় প্ৰতিৰক্ষা মন্ত্ৰীগৰাকীয়ে ভাৰতত থকা সময়ছোৱাত আগ্ৰালৈ সাংস্কৃতিক ভ্ৰমণ কৰিব।
উল্লেখ্য যে, ভাৰত আৰু ভিয়েটনামৰ মাজত এক বিস্তৃত কৌশলগত অংশীদাৰীত্ব আছে। দ্বিপাক্ষিক প্ৰতিৰক্ষা সম্পৰ্ক এই অংশীদাৰিত্বৰ এক গুৰুত্বপূৰ্ণ স্তম্ভ। দুয়োখন দেশৰ মাজত প্ৰতিৰক্ষা সম্পৰ্কৰ ভিতৰত আছে সেৱা, সামৰিক বিনিময়, উচ্চ পৰ্যায়ৰ ভ্ৰমণ, ক্ষমতা নিৰ্মাণ আৰু প্ৰশিক্ষণ কাৰ্যসূচী, ৰাষ্ট্ৰসংঘৰ শান্তি ৰক্ষা সহযোগিতা, জাহাজ ভ্ৰমণ আৰু দ্বিপাক্ষিক অনুশীলন।
২০২২ চনৰ জুন মাহত ৰক্ষা মন্ত্ৰীৰ ভিয়েটনাম ভ্ৰমণৰ সময়ত ‘২০৩০ চনৰ দিশত ভাৰত-ভিয়েটনাম প্ৰতিৰক্ষা অংশীদাৰিত্বৰ ওপৰত যুটীয়া দৃষ্টিভংগী বিবৃতি’ আৰু ‘পাৰস্পৰিক লজিষ্টিক সমৰ্থন’ সন্দৰ্ভত এক বুজাবুজিচুক্তি স্বাক্ষৰিত হয় যি দুয়োখন দেশৰ মাজত প্ৰতিৰক্ষা সহযোগিতাৰ পৰিসৰ আৰু পৰিমাণ যথেষ্ট বৃদ্ধি কৰিছে।
লগতে পঢ়ক – নেহৰু সংগ্ৰহালয়ৰ নাম সলনি কেন্দ্ৰীয় চৰকাৰৰ