UIDAIয়ে বেংক একাউণ্ট,  পেন বা পাছপোৰ্টৰ ব্যৱহাৰৰ ক্ষেত্ৰত কৰাৰ দৰে আধাৰৰ বাবেও একে ধৰণৰ সাৱধানতা আৰু গোপনীয়তা অৱলম্বনৰ পৰামৰ্শ প্ৰদান কৰিছে। UIDAIয়ে সামাজিক মাধ্যম আৰু অন্যান্য প্লেটফৰ্মত আধাৰ বিয়পি নপৰাটো নিশ্চিত কৰিবলৈ পৰামৰ্শ প্ৰদান কৰিছে।

আধাৰ নিয়ন্ত্ৰক সংস্থাটোৱে জনায় যে বিভিন্ন সেৱা প্ৰাপ্ত কৰিবলৈ মোবাইল নম্বৰ, বেংক একাউণ্ট নম্বৰৰ দৰে ব্যক্তিগত নথিপত্ৰ কাৰোবাক দিয়াৰ ক্ষেত্ৰত যি সাৱধানতা অৱলম্বন কৰা হয়,  সেই একেই সাৱধানতা আধাৰৰ ক্ষেত্ৰতো অৱলম্বন কৰিব লাগে। আধাৰ হৈছে নাগৰিকসকলৰ ডিজিটেল পৰিচয় পত্ৰ। অনলাইন আৰু অফলাইনত ভাৰতীয় নাগৰিকৰ পৰিচয় পৰীক্ষা কৰিবলৈ এই নথিখন ব্যৱহাৰ কৰা হয়।

যদি এজন নাগৰিকে তেওঁৰ আধাৰ নম্বৰ আনক দিব নিবিচাৰে, তেন্তে তেওঁ ইয়াৰ সলনি ভাৰ্চুৱেল আইডি ব্যৱহাৰ কৰিব পাৰে। এই ভিআইডি UIDAIৰ ৱেবছাইট বা মাই আধাৰ পৰ্টেলৰ জৰিয়তে সৃষ্টি কৰিব পাৰি। দিনটোৰ শেষত ভিআইডি সলনিও কৰিব পাৰি।

তদুপৰি,  আধাৰ লক কৰি ৰখাৰ ব্যৱস্থাও আছে। যদি এজন নাগৰিকে এক নিৰ্দিষ্ট সময়ৰ বাবে আধাৰ ব্যৱহাৰ নকৰে,  তেন্তে আধাৰ ‘লক’ কৰিব পাৰে। তেওঁ প্ৰয়োজন অনুসৰি লকটো পুনৰ খুলিব পাৰে।

Subscribe to EastMojo Assam

Enter your email address to receive notifications of new stories by email.

Join 6,735 other subscribers

Leave a comment

Leave a Reply Cancel reply