গুৱাহাটী : বান-ভূমিস্থলনত ক্ষতিগ্রস্ত ডিমা হাছাওলৈ ৰাজ্য চৰকাৰৰ ৫০ কোটিৰ পেকেজ। গৃহ নির্মাণৰ বাবে ক্ষতিগ্রস্ত প্ৰতিটো পৰিয়াললৈ ২ লাখ টকাৰ সাহায্য দিব ৰাজ্য চৰকাৰে।

ৰাজ্য চৰকাৰে বান-ভূমিস্খলনত বিধ্বস্ত ডিমা হাছাওত বিভিন্ন খণ্ডৰ পুনৰ নিৰ্মাণৰ বাবে জৰুৰীভাৱে ৫০ কোটি টকাৰ পেকেজ আগবঢ়াইছে। এই পেকেজৰ অধীনত বান-ভূমিস্খলনত ক্ষতিগ্রস্ত গুৰুত্বপূৰ্ণ পথসমূহৰ তকালীন নির্মাণৰ বাবে ৩০ কোটি টকা আগবঢ়োৱা হৈছে।

তদুপৰি বান-ভূমিস্খলনত ক্ষতিগ্রস্ত ৫৯০ টা পৰিয়ালৰ প্রত্যেকলৈ গৃহ নির্মাণৰ বাবে ২ লাখ টকাকৈ আগবঢ়োৱাৰ সিদ্ধান্ত লােৱা হৈছে। এই শিতানত ক্ষতিগ্রস্ত পৰিয়ালসমূহলৈ মুঠ ১১.৮০ কোটি টকা আবণ্টনৰ ব্যৱস্থা কৰা হৈছে।

লগতে পঢ়ক – অসম কৃষি বিশ্ববিদ্যালয়ত ৰাজ্যপালৰ কৃষি উচ্চ শিক্ষা বিষয়ক পাঁচদফীয়া বিশেষ আলোচনা

এই পেকেজৰ ২৩ কোটি টকা এছডিআৰএফ শিতানৰ পৰা আগবঢ়োৱাৰ বিপৰীতে ৰাজ্য চৰকাৰৰ স্ব-অগ্রাধিকাৰ পুঁজিৰ পৰা ২৭ কোটি টকা প্রদান কৰা হ’ব। মুখ্যমন্ত্ৰীৰ সভাকক্ষত বান-ভূমিস্খলনত বিধ্বস্ত ডিমা হাছাওৰ পুনৰ নির্মাণ বিষয়ত মুখ্যমন্ত্রী ড° হিমন্ত বিশ্ব শৰ্মাৰ অধ্যক্ষতাত অনুষ্ঠিত এক বৈঠকত এই গুৰুত্বপূর্ণ সিদ্ধান্ত গ্রহণ কৰা হয়।

Subscribe to EastMojo Assam

Enter your email address to receive notifications of new stories by email.

Join 6,597 other subscribers

Leave a comment

Leave a Reply Cancel reply