তেৰ বছৰ বয়সতেই অলিম্পিকৰ স্বৰ্ণ জয় জাপানৰ ম’মিজি নিছিয়াৰ । প্ৰথম বাৰৰ অলিম্পিকত অন্তভুক্ত কৰা ষ্ট্ৰীট স্কেট ব’ৰ্ডিঙত সোণৰ পদক জয় লাভ কৰে আয়োজক জাপানৰ তৰুণী ম’মিজিয়ে ।
এই প্ৰতিযোগিতাত ৰূপৰ পদক লাভ কৰে ব্ৰাজিলৰ ৰেয়ছা লীলে আৰু ব্ৰঞ্জৰ পদক পাই জাপানৰে ফুনা নাকায়ামাই । পদক লাভ কৰা আটাইকেইগৰাকীয়ে প্ৰতিযোগীয়েই কম বয়সৰ । ৰূপৰ পদক বিজয়ী ৰেইছাও ১৩ বছৰীয়া হোৱাৰ বিপৰীতে ব্ৰঞ্জৰ পদক লাভ কৰা নাকায়ামা হ’ল ১৬ বছৰীয়া ।
জাপানৰ কনিষ্ঠ খেলুৱৈ ৰূপে ১৩ বছৰ ৩৩০ দিনতে স্বৰ্ণজয় কৰা ম’মিজিৰ সফলতাক লৈ দেশবাসী গৌৰম্বাবিত ।
অলিম্পিকত প্ৰথমবাৰৰ বাবে অন্তৰ্ভুক্ত হৈছে স্কেটব’ৰ্ডিং ক্ৰীড়াবিধ।এই ক্ৰীড়াবিধত অলিম্পিকত প্ৰথমটো স্বৰ্ণ জয়ৰ লগতে মাত্ৰ ১৩ বছৰ বয়সতে এই সমফলতা লাভ কৰি ইতিহাস সৃষ্টি কৰিছে জাপানৰ কিশোৰীগৰাকীয়ে।