টকিঅ' অলিম্পিক

বিশ্বৰ সৰ্বোচ ক্ৰীড়া সমাৰোহ টকিঅ’ অলিম্পিক আৰম্ভ হ’বলৈ মাজত মাত্ৰ ছটা দিন । বিভিন্ন দেশৰ খেলুৱৈসকল ক্ৰমান্বয়ে আহিবলৈ লৈছে টকিঅ’ লৈ । ভাৰতীয় দলৰো দুই এক সদস্য উপস্থিত হৈছেগৈ অলিম্পিক ভিলেজত । এনে সময়তে ক’ভিডক লৈ শংকিত হৈ পৰিছে আয়োজক জাপান ।

দেশখনৰ ফালৰ পৰা খেলুৱৈসকলক সুৰক্ষিত কৰি ৰাখিবলৈ চেষ্টা কৰোৱা হৈছে যদিও প্ৰথমটো ক’ভিড আক্ৰান্ত ধৰা পৰিছে অলিম্পিক ভিলেজত । শণিবাৰে টকিঅ’ অলিম্পিক আয়োজক কমিটিৰ মুখপাত্ৰ মাছা টাস্কায়াই প্ৰকাশ কৰা মতে এগৰাকী খেলুৱৈৰ দেহত ক’ভিড পোৱা কথা প্ৰকাশ কৰিছে । স্কিনিং টেষ্টৰ সময়তে ধৰা পৰাৰ কথা উল্লেখ কৰিছে যদিও কোন দেশৰ খেলুৱৈ সেই কথা উল্লেখ কৰা নাই ।

আনহাতে শুকুৰবাৰে নাইজেৰিয়াৰ অলিম্পিক টীমৰ এজন সদস্যৰ দেহত নাৰিটা এয়াৰপ’ৰ্টত টেষ্ট কৰাৰ সময়ত ক’ভিডৰ উপস্থিতি ধৰা পৰিছিল । ৬০ বছৰীয়া লোক গৰাকীক ইতিমধ্যে চিকিৎসালয়ত ভৰ্তি কৰোৱা হৈছে । টকিঅ’ চহৰত ক’ভিডৰ বাবে জৰুৰী কালীন অবস্থা ইতিমধ্যে ঘোষণা কৰা হৈছে ।


অলিম্পিক আৰু তাৰ পিছতে পেৰাঅলিম্পিকৰ বাবে প্ৰায় ১৫,৪০০ এথলীট,আৰু দহ হাজাৰ অফিচিয়েলছ , সংবাদমাধ্যম আদিৰ লোকে বাহৰ পাতিবহি চহৰখনত এনে অবস্থাত চহৰখনক কেনেদৰে সুৰক্ষিত কৰি ৰাখে সেইয়াহে চিন্তা কৰিছে দেশখনে । টকিঅ’ অলিম্পিকৰ বাবে ব্যয় হ’ব ১৫.৪ বিলিয়ন ডলাৰ ।

লগতে পঢ়ক অলিম্পিকৰ বাবে পূৰ্ণ প্ৰস্তুতিত ব্যস্ত মণিপুৰৰ জুডোকা সুশীলা দেৱী

Subscribe to EastMojo Assam

Enter your email address to receive notifications of new stories by email.

Join 5,118 other subscribers

Leave a comment

Leave a Reply