নিউজ ডেস্ক: অহা ২০ মাৰ্চত গোৱাৰ মৰগাউৰ জৱাহাৰলাল নেহৰু ষ্টেডিয়ামত অনুষ্ঠিত হ’ব ২০২১-২২ বৰ্ষৰ হিৰো ISL-ৰ চূড়ান্ত মেচ। এইবাৰৰ সৈতে চুতুৰ্থবাৰৰ বাবে ষ্টেডিয়ামটোত ISL-ৰ চূড়ান্ত মেচ অনুষ্ঠিত হ’ব।
বৃহস্পতিবাৰে ইণ্ডিয়ান ছুপাৰ লীগৰ আয়োজক Football Sports Development Limited (FSDL)-এ প্ৰতিযোগিতাৰ তালিকা প্ৰকাশ কৰে। সেই অনুসৰি ১১-১২ মাৰ্চ আৰু ১৫-১৬ মাৰ্চত দুটা লেগৰ ছেমিফাইনেল অনুষ্ঠিত হ’ব।
উল্লেখযোগ্য যে ISL-ৰ এইটো ছিজনত ২৯ পইণ্টেৰে হায়দৰাবাদ এফ চি প্ৰথম স্থানত থকাৰ বিপৰীতে ১০ পইণ্টেৰে নৰ্থইষ্ট ইউনাইটেড এফ চি একাদশ স্থানত আছে।
অহা ৭ মাৰ্চত লীগ পৰ্য্যায়ৰ খেলসমূহ অন্ত পৰিব। এইবাৰৰ ISL-ৰ ছেমিফাইনেল আৰু ফাইনেল খেলৰ দিন কেইটা হৈছে –
শুকুৰবাৰ, ১১ মাৰ্চ – ছেমিফাইনেল ১ প্ৰথম লেগ
শনিবাৰ, ১২ মাৰ্চ – ছেমিফাইনেল ২ প্ৰথম লেগ
মঙলবাৰ, ১৫ মাৰ্চ – ছেমিফাইনেল ১ দ্বিতীয় লেগ
বুধবাৰ, ১৬ মাৰ্চ – ছেমিফাইনেল ২ দ্বিতীয় লেগ
দেওবাৰ, ২০ মাৰ্চ ফাইনেল।
লগতে পঢ়ক – সোণাৰিত জলজীৱন মিচনৰ অধীনত পানী যোগান আঁচনিৰ আধাৰ শিলা স্থাপন