ৰাজস্থানত অনুষ্ঠিত হোৱা ৰাষ্ট্ৰীয় পেৰা সাঁতোৰত অসমৰ খেলুৱৈয়ে পাঁচটা স্বৰ্ণসহ ৯ টা পদক অৰ্জন কৰি সফলতা কঢ়িয়াই আনিছে।


যোৱা ২৩ ৰ পৰা ২৭ মাৰ্চলৈ ৰাজস্থানৰ উদয়পুৰত অনুষ্ঠিত হোৱা ৰাষ্ট্ৰীয় পেৰা সাঁতোৰ প্ৰতিযোগিতাত অসমৰ পৰা ১২ জনীয়া পেৰা সাঁতোৰৰ দলে অংশ লৈছিল । । এই ১২ জনীয়া দলটোৱে পদক লাভেৰে ৰাষ্ট্ৰীয় পৰ্যায়ত অসমক গৌৰৱান্বিত কৰে । অসমে লাভ কৰিলে ৯ টাকৈ পদক। ইয়াৰে ৫ টা স্বৰ্ণ, ১ টা ৰূপ, আৰু ৩ টা ব্ৰঞ্জৰ পদক ।


কৃষ্ণ দাসে ২০০ মিটাৰ ফ্ৰিষ্টাইল, ১০০ মিটাৰ বাটাৰফ্লাই আৰু ১০০ ব্ৰেষ্টষ্টকত অৰ্জন কৰে তিনিটাকৈ স্বৰ্ণপদক । আনহাতে ৰাজকুমাৰে ১০০ মিটাৰ ব্ৰেষ্টষ্টকত স্বৰ্ণ আৰু ১০০ মিটাৰ বাটাৰ ফ্লাইত ৰূপৰ পদক লাভ কৰে । ইয়াৰ উপৰিও, আনোৱাৰ ছিকদাৰে এটা স্বৰ্ণ, শ্বাহানা বেগমে দুটাটা ব্ৰঞ্জ, আৰু ছাজিদা বেগমে অৰ্জন কৰিলে এটা ব্ৰঞ্জৰ পদক ।


অসম পেৰালিম্পিক সন্থাৰ তত্বাৱধানত যোৱা দলটোৰ প্ৰশিক্ষক হিচাপে আছিল সন্থাৰ সম্পাদক ৰাজীৱ দে । পুৰুষৰ টীম মেনেজাৰৰ দায়িত্বত আছিল মহিবুৰ হক আৰু মহিলাৰ টীম মেনেজাৰৰ দায়িত্বত হিমা ওজা দাস । পেৰা সাঁতোৰবিদৰ এই সফলতাক লৈ অসম পেৰালিম্পিক সন্থাই দলটোক শুভেচ্ছা জনাইছে।

Subscribe to EastMojo Assam

Enter your email address to receive notifications of new stories by email.

Join 6,479 other subscribers

Leave a comment

Leave a Reply Cancel reply