নিউজ ডেস্ক– গুৱাহাটীত ৩-৪ মে’ ২০২৩ত “উত্তৰ পূৰ্বাঞ্চলৰ ৰাজ্যসমূহত লেণ্ড গৱৰ্ণেঞ্চ” বিষয়ৰ ওপৰত অনুষ্ঠিত ৰাষ্ট্ৰীয় সন্মিলনত অসম, ত্ৰিপুৰা, মিজোৰাম আৰু মেঘালয় ৰাজ্যত প্ৰাদেশিক আৰু স্বায়ত্ত জিলা পৰিষদসমূহে ভূমি অভিলেখৰ ডিজিটেলীকৰণ আৰু আধুনিকীকৰণৰ বিকাশ কৰা অতি আৱশ্যকীয় বুলি কয়। এই ৰাষ্ট্ৰীয় সন্মিলনৰ আয়োজন লাল বাহাদুৰ শাস্ত্ৰী ৰাষ্ট্ৰীয় প্ৰশাসন একাডেমী, মসূৰী আৰু ভূমি সংসাধন বিভাগৰ দ্বাৰা অসম চৰকাৰৰ ৰাজহ বিভাগৰ সহযোগত কৰা হৈছিল। ভূমি সংসাধন বিভাগৰ সচিব অজয় তিৰ্কীয়ে এই ৰাষ্ট্ৰীয় সন্মিলনৰ অধ্যক্ষতা কৰে। ভূমি সংসাধন বিভাগৰ সংযুক্ত সচিব সোণমণি বৰা, অসম চৰকাৰৰ ৰাজহ বিভাগৰ প্ৰধান সচিব জ্ঞানেন্দ্ৰ দেৱ ত্ৰিপাঠী, মসুৰীৰ লাল বাহাদুৰ শাস্ত্ৰী ৰাষ্ট্ৰীয় প্ৰশাসন একাডেমীৰ উপ-নিৰ্দেশক আনন্দী, ভাৰতীয় সৰ্বেক্ষণ বিভাগৰ অপৰ মহা-সৰ্বেক্ষক পি ভি ৰাজশেখৰ, বিশ্ব বেংকৰ জ্যেষ্ঠ সামাজিক বিকাশ বিশেষজ্ঞ মৃদুলা সিংহ আৰু অন্য জ্যেষ্ঠ বিষয়াবৰ্গ উপস্থিত আছিল। বড়োলেণ্ড প্ৰাদেশিক পৰিষদ, কাৰ্বি আংলং স্বায়ত্ত জিলা পৰিষদ, দিমা হাছাও স্বায়ত্ত জিলা পৰিষদ (সকলো অসমত)ৰ প্ৰতিনিধি, ত্ৰিপুৰা জনজাতীয় ক্ষেত্ৰ স্বায়ত্ত পৰিষদ, ত্ৰিপুৰা, লাই স্বায়ত্ত জিলা পৰিষদ, মিজোৰাম, খাছি হিলছ স্বায়ত্ত জিলা পৰিষদ, গাৰো হিলছ স্বায়ত্ত জিলা পৰিষদ, জয়ন্তীয়া হিলছ স্বায়ত্ত জিলা পৰিষদ (সকলো মেঘালয়ত)য়ে ৰাষ্ট্ৰীয় সন্মিলনত ভাগ লয়।
এয়া এনেধৰণৰ প্ৰথম ৰাষ্ট্ৰীয় সন্মিলন আছিল য’ত বৰ্তমান সময়ত চলি থকা ৰাজ্য প্ৰথা আৰু ভূমি অভিলেখৰ আধুনিকীকৰণ, ভূমি প্ৰশাসন পৰিসংখ্যাৰ ভেটি, প্ৰথাগত আৰু স্বদেশী আইন, বৰ্তমান প্ৰথা আৰু নতুন পদক্ষেপ তথা ভূমি অভিলেখ আধুনিকীকৰণত ভাৰতীয় সৰ্বেক্ষণৰ ভূমিকাৰ ওপৰত বৈঠক অন্তৰ্ভুক্ত আছিল। সম্প্ৰতি অসমৰ বাকী অংশত ভূমি অভিলেখ আৰু নক্সাৰ কম্পিউটাৰীকৰণ আৰু ডিজিটেলীকৰণৰ পদক্ষেপে ভাল অগ্ৰগতি দেখুৱাইছে, কিন্তু এইটো দেখা গৈছে যে বড়োলেণ্ড প্ৰাদেশিক পৰিষদ, কাৰ্বি আংলং স্বায়ত্ত জিলা পৰিষদ আৰু দিমা হাছাও স্বায়ত্ত জিলা পৰিষদৰ জৰিয়তে আহিবলগা ক্ষেত্ৰসমূহত বহুত ব্যৱধান আছে। বড়োলেণ্ড ভূমিৰ নীতি প্ৰস্তুত কৰি থকা হৈছে আৰু শীঘ্ৰেই ইয়াক অন্তিম ৰূপ দিয়াৰ সম্ভাৱনা আছে। কাৰ্বি আংলং ক্ষেত্ৰসমূহত এতিয়া সৰ্বেক্ষণ আৰু নিষ্পত্তি কৰা হোৱা নাই আৰু দিমা হাছাও স্বায়ত্ত জিলা পৰিষদে অসম ভূমি বিনিয়মন অধিনিয়ম প্ৰয়োগ কৰিছে, ভূমিৰ বৃহৎ অংশত অ-কেডষ্ট্ৰেল ক্ষেত্ৰ আছে আৰু এই ক্ষেত্ৰসমূহৰ সৰ্বেক্ষণৰ প্ৰয়োজনীয়তা উপলব্ধি কৰা হৈছে। ত্ৰিপুৰা জনজাতীয় ক্ষেত্ৰ স্বায়ত্ত পৰিষদত আঠখন জিলা আছে আৰু প্ৰায় ১০,০০০ বৰ্গ কিলোমিটাৰৰ ক্ষেত্ৰ আছে যি ষষ্ঠ অনুসূচী আৰু ১০ প্ৰথাগত আইনৰ জৰিয়তে আহে। ষষ্ঠ অনুসূচীৰ জৰিয়তে অনা স্বায়ত্ত জিলা পৰিষদ ক্ষেত্ৰসমূহত ভূমিৰ অধিকাংশ খাছি সম্প্ৰদায়ৰ অধীনত। গাৰো হিলছ স্বায়ত্ত জিলা পৰিষদত জিলা পৰিষদৰ দ্বাৰা বাৰ্ষিক পট্টা জাৰি কৰাৰ প্ৰয়োজন আছে আৰু জয়ন্তীয়া হিলছ স্বায়ত্ত জিলা পৰিষদ, মেঘালয়ে মেঘালয় ভূমি সৰ্বেক্ষণ আৰু ৰেকৰ্ড প্ৰিপাৰেচন এক্ট ১৯৮০ৰ পালন কৰিছে।
ভূমি সংসাধন বিভাগৰ সচিব অজয় তিৰ্কীয়ে সন্মিলনৰ আয়োজনত এলবিএছএনএএ উপ-নিৰ্দেশক আনন্দীৰ প্ৰয়াসৰ প্ৰশংসা কৰে আৰু স্পষ্ট কৰে যে উত্তৰ পূৰ্বাঞ্চলৰ ৰাজ্যসমূহত বিভিন্ন স্বায়ত্ত জিলা পৰিষদক ডিজিটাইজ কৰা আৰু তেওঁলোকৰ ভূমি অভিলেখৰ আধুনিকীকৰণ কৰাৰ প্ৰয়োজনীয়তা উপলব্ধি কৰি থকা হৈছে কিন্তু সম্প্ৰতি ইয়াত পলম হৈছে, কিন্তু সাংবিধানিক ভেটি আৰু স্থাপিত আইনৰ ভিতৰত পৰিষদসমূহক সমৰ্থন কৰিবলৈ সকলো প্ৰয়াস কৰা হ’ব। এই দিশত এখোজ আগুৱাই গৈ, বড়োলেণ্ড টেৰিটৰিয়েল কাউঞ্চিলে ভূমি অভিলেখৰ ডিজিটেলীকৰণ আৰু আধুনিকীকৰণৰ বাবে এটা প্ৰস্তাৱ ৰাখে আৰু ভূমি সংসাধন বিভাগে তাক বিধিবত মঞ্জুৰী দিয়ে। ভূমি সংসাধন বিভাগৰ সচিবে উত্তৰ পূৰ্বাঞ্চলৰ ৰাজ্যসমূহত আৱশ্যকীয় কাৰ্যৰ মাত্ৰাৰ প্ৰতি লক্ষ্য ৰাখি সূচিত কৰে যে উত্তৰ পূৰ্বাঞ্চলৰ ৰাজ্যসমূহত লেণ্ড গৱৰ্ণেঞ্চৰ বাবে উচিত প্ৰক্ৰিয়াৰ পাছত বিভিন্ন স্বায়ত্ত জিলা পৰিষদৰ সৈতে লগ হৈ সক্ষম প্ৰাধিকাৰীৰ অনুমোদনসহ এটা টাস্ক ফৰ্চ গঠন কৰা হ’ব। সংযুক্ত সচিব সোণমণি বৰাই বিভিন্ন স্বায়ত্ত জিলা পৰিষদৰ পৰা ডিজিটেল ইণ্ডিয়া ভূমি অভিলেখ আধুনিকীকৰণ কাৰ্যক্ৰম (ডিআইএলআৰএমপি)ৰ জৰিয়তে ভূমি অভিলেখৰ ডিজিটেলীকৰণ আৰু আধুনিকীকৰণৰ বাবে নিজৰ প্ৰস্তাৱ প্ৰেৰণ কৰিবলৈ অনুৰোধ কৰে আৰু এলবিএছএনএএৰ উপ-নিৰ্দেশক তথা অসম চৰকাৰৰ ৰাজহ বিভাগৰ প্ৰধান সচিব আনন্দীক অসমৰ ৰাষ্ট্ৰীয় সন্মিলনৰ আয়োজনৰ বাবে ধন্যবাদ দিয়ে।