প্ৰধানমন্ত্ৰী নৰেন্দ্ৰ মোদীয়ে আন্তঃৰাষ্ট্ৰীয় গেছৰ মূল্য বৃদ্ধিৰ ফলত ভাৰতত গেছৰ মূল্যৰ ওপৰত পৰা প্ৰভাৱ হ্ৰাস কৰি গ্ৰাহকৰ স্বাৰ্থ সুৰক্ষাৰ বাবে কেবিনেটে গ্ৰহণ কৰা সিদ্ধান্তৰ প্ৰশংসা কৰে৷
কেন্দ্ৰীয় পেট্ৰ’লিয়াম আৰু প্ৰাকৃতিক গেছ মন্ত্ৰী হৰদীপ সিং পুৰীয়ে এটা টুইটত কয় যে, “ভাৰতত গেছৰ মূল্যৰ ওপৰত আন্তৰ্জাতিক গেছৰ মূল্য বৃদ্ধিৰ প্ৰভাৱ হ্ৰাস কৰি গ্ৰাহকৰ স্বাৰ্থ সুৰক্ষিত কৰাৰ বাবে প্ৰধানমন্ত্ৰী নৰেন্দ্ৰ মোদী জীৰ নেতৃত্বত লোৱা বিভিন্ন পদক্ষেপৰ ধাৰাবাহিকতাত ইউনিয়ন কেবিনেটে সংশোধিত ঘৰুৱা গেছ মূল্য নিৰ্ধাৰণৰ নিৰ্দেশনা অনুমোদিত কৰে।”
আনহাতে, হৰদীপ সিং পুৰীৰ টুইটো শ্বেয়াৰ কৰি প্ৰধানমন্ত্ৰীয়ে টুইটযোগে কয়, “সংশোধিত ঘৰুৱা গেছৰ মূল্য নিৰ্ধাৰণৰ সৈতে জড়িত কেবিনেটৰ সিদ্ধান্তই গ্ৰাহকৰ বাবে বহু সুবিধা প্ৰদান কৰিছে। এয়া খণ্ডটোৰ বাবে এক ইতিবাচক দিশ৷”