নিউজ ডেস্ক– অলিম্পিকলৈ যোগ্য়তা অৰ্জন ধিং এক্সপ্ৰেছ হিমা দাসৰ । ৪x১০০ ৰিলেৰ বাবে যোগ্য়তা অৰ্জন কৰিছে হিমা দাসে। টকিঅ’ত অনুষ্ঠিত হব এইবাৰৰ অলিম্পিক। এই ক্ষেত্ৰত অলিম্পিক এছ’ছিয়েশ্য়নৰ আনুষ্ঠানিক ঘোষণাৰ বাকী। আন্তঃৰাষ্ট্ৰীয় দৌৰবিদ হিমা দাসৰ সাফল্য়ত আনন্দিত হৈ পৰিছে পিতৃ-মাতৃৰ লগতে অঞ্চলবাসী।
২০১৮ চনৰ ২৫ চেপ্তেম্বৰত অৰ্জুন বঁটা লাভ কৰিছিল হিমাই। অহা ২৩জুলাইৰ পৰা ৮ আগষ্টলৈ টকিঅ’ত অনুষ্ঠিত হ’ব অলিম্পিক। এইবাৰ অলিম্পিকত পদক জয়ৰ বাবে নিজকে কঠোৰ অনুশীলত ব্য়স্ত ৰাখিছে হিমাই। বৰ্তমান পাতিয়ালাত প্ৰশিক্ষণ লৈ আছে খেলুৱৈগৰাকীয়ে।