মাৰ্ঘেৰিটা: মাৰ্ঘেৰিটা চ্যুকাফা নগৰত অৱস্থিত পাৰিজাত বিদ্যালয়ত আজি এখন আলোচনা চক্ৰ অনুষ্ঠিত হয়। “মাৰ্ঘেৰিটাত পৰ্যটন উদ্যোগ বিকাশৰ সম্ভাৱনীয়তা আৰু লব লগা পদক্ষেপ” শীৰ্ষক বিষয়ৰ ওপৰত অনুষ্ঠিত এই আলোচনা চক্ৰৰ পৌৰোহিত্য কৰে কবি মনোৰঞ্জন বৰগোঁ‌হাইয়ে।

মাৰ্ঘেৰিটা শাখা সাহিত্য সভাৰ সভাপতি দেৱজিৎ বৰুৱা আঁ‌ত ধৰা এই অনুষ্ঠানত সাহিত্যক বৰুণ বৰা, কবি ড° ৰঞ্জিত দত্ত, পাৰিজাত বিদ্যালয়ৰ অধ্যক্ষা প্ৰণিতা ভূঞা, টাউন হাইস্কুল অৱসৰ প্ৰাপ্ত অধ্যক্ষ অমূল্য দত্ত, মাৰ্ঘেৰিটা সাংবাদিক সংস্থাৰ সভাপতি ৰামপ্ৰসাদ আম্বেদকাৰ সহ বহুকেইজন গণ্য মান্য ব্যক্তি উপস্থিত থাকে

এই আলোচনা চক্ৰৰ মুখ্য বক্তা হিচাপে উপস্থিত থাকে মাৰ্ঘেৰিটা মহাবিদ্যালয়ৰ অৱসৰ প্ৰাপ্ত অধ্যক্ষ ড° বুধিন গগৈ। উল্লেখ যে মাৰ্ঘেৰিটা মহকুমাত বহুকেইটা বাৰেবৰণীয়া ক্ষুদ্ৰ জনগোষ্ঠীৰ লগতে মাৰ্ঘেৰিটা দাঁতিকাষতে লাগি থকা জৈৱ বৈচিত্ৰ্যৰে ভৰপুৰ দিহিং পাটকাই ৰাষ্ট্ৰীয় উদ্যান।

প্ৰকৃতি আৰু জনগোষ্ঠীয় দুইটা পৰ্যটনে অঞ্চলটোত পূৰ্ণ সম্ভাৱনা থকা বিষয়টো আজিৰ আলোচনা চক্ৰৰ বক্তা সকলে গুৰুত্বসকাৰে ভাষণ প্ৰসংগত উল্লেখ কৰি চৰকাৰ প্ৰশাসনৰ লগতে ব্যক্তিগত প্ৰচেষ্টাত কি দৰে পৰ্যটন ক্ষেত্ৰলৈ ৰূপান্তৰিত কৰিব পৰা যায় সেই সম্পৰ্কে গুৰুত্ব সহকাৰে আলোচনা কৰা হয়।

লগতে পঢ়ক- টীয়কত বন্যহস্তীৰ তাণ্ডৱ, ৬ টাকৈ বাসগৃহ ভাঙি লণ্ডভণ্ড

Subscribe to EastMojo Assam

Enter your email address to receive notifications of new stories by email.

Join 5,783 other subscribers

Leave a comment

Leave a Reply