মৰাণ, স্বপনীল দেউৰী: শিৱসাগৰৰ জিলাৰ পশ্চিম বকতাত বানে ধাৰণ কৰিছে সংহাৰী ৰূপ ৷ দিচাং আৰু দিৰৈ নদীৰ পানীয়ে মহাসাগৰলৈ পৰিণত কৰিছে পশ্চিম বকতাৰ বহু কেইখন গাওঁ।
কিন্তু এই সকল লোকৰ খবৰ ল’বলৈ আহৰি নাই জনপ্ৰতিনিধি তথা চৰকাৰী বিষয়া-কৰ্মচাৰীৰ ৷ বৃহত্তৰ পশ্চিম বকতাৰ প্ৰায় ২০ খনতকৈ অধিক গাওঁ বৰ্তমান বানপানীৰ কৱলত।
বহুকেইখন গাঁৱৰ সংযোগী পথৰ ওপৰেদি বাগৰিছে পানী, খেতিপথাৰ হৈছে জলমগ্ন । বিশেষভাৱে বানত অঞ্চলটোৰ বাট-পথসমূহ বুৰ যোৱাত যাতায়াতৰ ক্ষেত্ৰত ৰাইজ সমুখীন হৈছে ভীষণ সমস্যাৰ।
আনহাতে, কৃষক ৰাইজৰ শালি খেতিৰ কঁঠিয়া বানত বুৰ যোৱাৰ ফলত নষ্ট হোৱাৰ সম্ভাৱনা প্ৰৱল হৈ পৰিছে।